(سوال نمبر 5316)
داہنے طرف سلام پھیرنے کے وقت دنیاوی کلام کرنے دینے سے نماز ہوگی یا نہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ میں نے دائیں طرف سلام پھیرا تو دیکھا ایک بچہ بھاگ رہا ہے اسے منع کرنے کے لیے میں بول اٹھا پھر بائیں طرف سلام کیا نماز پر اثر پڑے گا ۔
سائلہ:- رفعت بیکم میرپور آزاد کشمیر انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
راجح قول کے مطابق قعدہ اخیرہ میں نماز سے باہر ہونے کے کم از کم ایک بار لفظ السلام کا ہونا ضروری ہے
مذکورہ صورت میں جب آپ نے دائیں طرف ایک بار عمدا لفط السلام سے سلام پھیر دی پھر بچے کو دیکھ کر بول پڑی تو نماز ہوگی۔
بہار شریعت میں ہے
لفظ اَلسَّلَامُ دو بار اور لفظ عَلَیْکُمْ واجب نہیں (3/522 بہارشریعت)
اسی میں ہے
خروج بصنعہ یعنی قعدۂ اخیرہ کے بعد سلام و کلام وغیرہ کوئی ایسا فعل جو منافی نماز ہو بقصد کرنا، مگر سلام کے علاوہ کوئی دوسرا منافی قصداً پایا گیا، تو نماز واجب الاعادہ ہوئی اور بلاقصد کوئی منافی پایا گیا تو نماز باطل (بہارشریعت ح 3 ص 520 مکتبہ المدینہ)
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
03/12/2023
