(سوال نمبر 5252)
ایک شخص فرض نماز گھر میں پڑھتا ہے تو اس کی نماز کا کیا حکم ہوگا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ الله وبرکاتہ
کیا فرماتے ہیں علمائے کرام مفتیان عظام اس مسئلہ کے بارہ میں میرا یہ سوال عرض کہ ایک شخص فرض نماز گھر میں پڑھتا ہے تو اس کی نماز کا کیا حکم ہوگامہربانی فرماکر تحریری جواب بحوالہ عنایت فرماکر شکریہ کا موقع عنایت فرمائیں
جزاک الله خیرا
سائل:- محمد شعیب عطاری میاں چنوں پنجاب پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
مذکورہ صورت میں تہنا گھر میں نماز ہوجائے گی یعنی فرض سے سبکدوش ہوجائیں گے مگر ترک واجب کا گناہ ہوگا توبہ کریں اور جماعت سے مسجد میں نماز ادا کریں۔
چونکہ جماعت سے نماز پڑھنا واجب ہے ۔
واضح رہے کہ مردوں کے لیے جماعت سے نماز پڑھنا واجب ہے اور مسجد میں جماعت کا اہتمام واجبِ کفایہ ہے۔
بلا عذر گھر میں نماز پڑھنے والوں سے متعلق حدیث شریف میں شدید وعید وارد ہے
حدیث شریف میں ہے
حضرت ابوہریرہ رضی اللہ عنہ نبی اکرم صلی اللہ علیہ وسلم سے روایت کرتے ہیں کہ ایک روز آپ صلی اللہ علیہ وسلم نے فرمایا بے شک میرے دل میں یہ ارادہ ہوا کہ کسی کو حکم دوں کہ لکڑیاں جمع کرے، پھر کسی شخص سے کہوں کہ وہ امامت کرے اور میں ان لوگوں کے گھروں پر جاؤں، جو جماعت میں نہیں آتے اور ان کے گھروں کو جلادوں۔
لہذا مرد کے لیے بلا عذر گھر میں نماز پڑھنے کا معمول بنا لینا گناہ ہے، البتہ اگر کبھی عذر بیماری، سفر، سخت بارش وغیرہ۔کی وجہ سے جماعت رہ جائے، تو گھر میں پڑھنے کی گنجائش ہے۔
صحیح البخاری میں ہے
عن نافع، عن عبد الله بن عمر: أن رسول الله صلى الله عليه وسلم قال: «صلاة الجماعة تفضل صلاة الفذ بسبع وعشرين درجة(صحیح البخاری: (131/1، ط: دار طوق النجاۃ)
صحیح مسلم میں ہے
عن ابی الاحوص قال: قال عبداللہ لقد رایتنا وما یتخلف عن الصلاة الا منافق قد علم نفاقہ او مریض ان کان المریض لیمشی بین رجلین حتی یاتی الصلاة. وقال: ان رسول اللہ صلی الله عليه وسلم علَّمَنا سنن الھدی وان من سنن الھدی الصلاۃ فی المسجد الذی یؤذن فیہ.(صحیح مسلم: (453/1، ط: دار احیاء الکتب العلمیة)
و فیه ایضاً۔(453/1، ط: دار احیاء الکتب العلمیة)
حدثنا ابوہریرة عن رسول اللہ صلی اللہ علیہ وسلم قال رسول اللہ صلی الله عليه وسلم لقد ہممت أن آمر فتیاني ان یستعدوا لی بحزم من حطب ثم آمر رجلا یصلی بالناس ثم تحرق بیوت علی من فیھا.
الدر المختار میں ہے
(فتسن او تجب) ثمرتہ تظھر فی الاثم بترکھا مرۃ (الجماعۃ) علی الرجال العقلاء البالغین الاحرار القادرین علی الصلوٰۃ بالجماعۃ من غیر حرج.
(الدر المختار: (554/1، ط: دار الفکر)
حاصل کلام یہ ہے کہ
جماعت سے نماز پڑھنا واجب ہے کہ بغیر عذر ایک بار بھی چھوڑنے والا گناہ گار اور سزا کا مستحق اور کئی بار کا تارک فاسق مردود الشہادۃ ہے اور اس کو سزا بھی دی جائے گی
کما فی الشامی
و قال فی شرح المنیۃ : و الاحکام تدل علی الوجوب؛ من ان تارکھا بلا عذر یعزّر و ترد شھادتہ؛ و یأثم الجیران بالسکوت عنہ؛ اھ
علی الصفحة ۲۸۷ للمجلد الثانی )
بہار شریعت میں ہے
عاقل ؛ بالغ ؛ حر۔قادر۔ پر جماعت واجب ہے بلا عذر ایک بار بھی چھوڑنے والا گنہگار اور مستحق سزا ہے اور کئی بار ترک کرے ؛ تو فاسق مردود الشہادۃ اور اس کو سخت سزا دی جائے گی اگر پڑوسیوں نے سکوت کیا تو وہ بھی گنہگار ہوئے (بہار شریعت ج اول ح سوم ص۔نمبر ۵۸۲ مطبوعہ مکتبۃ المدینہ)
والله ورسوله اعلم بالصواب
ایک شخص فرض نماز گھر میں پڑھتا ہے تو اس کی نماز کا کیا حکم ہوگا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ الله وبرکاتہ
کیا فرماتے ہیں علمائے کرام مفتیان عظام اس مسئلہ کے بارہ میں میرا یہ سوال عرض کہ ایک شخص فرض نماز گھر میں پڑھتا ہے تو اس کی نماز کا کیا حکم ہوگامہربانی فرماکر تحریری جواب بحوالہ عنایت فرماکر شکریہ کا موقع عنایت فرمائیں
جزاک الله خیرا
سائل:- محمد شعیب عطاری میاں چنوں پنجاب پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
مذکورہ صورت میں تہنا گھر میں نماز ہوجائے گی یعنی فرض سے سبکدوش ہوجائیں گے مگر ترک واجب کا گناہ ہوگا توبہ کریں اور جماعت سے مسجد میں نماز ادا کریں۔
چونکہ جماعت سے نماز پڑھنا واجب ہے ۔
واضح رہے کہ مردوں کے لیے جماعت سے نماز پڑھنا واجب ہے اور مسجد میں جماعت کا اہتمام واجبِ کفایہ ہے۔
بلا عذر گھر میں نماز پڑھنے والوں سے متعلق حدیث شریف میں شدید وعید وارد ہے
حدیث شریف میں ہے
حضرت ابوہریرہ رضی اللہ عنہ نبی اکرم صلی اللہ علیہ وسلم سے روایت کرتے ہیں کہ ایک روز آپ صلی اللہ علیہ وسلم نے فرمایا بے شک میرے دل میں یہ ارادہ ہوا کہ کسی کو حکم دوں کہ لکڑیاں جمع کرے، پھر کسی شخص سے کہوں کہ وہ امامت کرے اور میں ان لوگوں کے گھروں پر جاؤں، جو جماعت میں نہیں آتے اور ان کے گھروں کو جلادوں۔
لہذا مرد کے لیے بلا عذر گھر میں نماز پڑھنے کا معمول بنا لینا گناہ ہے، البتہ اگر کبھی عذر بیماری، سفر، سخت بارش وغیرہ۔کی وجہ سے جماعت رہ جائے، تو گھر میں پڑھنے کی گنجائش ہے۔
صحیح البخاری میں ہے
عن نافع، عن عبد الله بن عمر: أن رسول الله صلى الله عليه وسلم قال: «صلاة الجماعة تفضل صلاة الفذ بسبع وعشرين درجة(صحیح البخاری: (131/1، ط: دار طوق النجاۃ)
صحیح مسلم میں ہے
عن ابی الاحوص قال: قال عبداللہ لقد رایتنا وما یتخلف عن الصلاة الا منافق قد علم نفاقہ او مریض ان کان المریض لیمشی بین رجلین حتی یاتی الصلاة. وقال: ان رسول اللہ صلی الله عليه وسلم علَّمَنا سنن الھدی وان من سنن الھدی الصلاۃ فی المسجد الذی یؤذن فیہ.(صحیح مسلم: (453/1، ط: دار احیاء الکتب العلمیة)
و فیه ایضاً۔(453/1، ط: دار احیاء الکتب العلمیة)
حدثنا ابوہریرة عن رسول اللہ صلی اللہ علیہ وسلم قال رسول اللہ صلی الله عليه وسلم لقد ہممت أن آمر فتیاني ان یستعدوا لی بحزم من حطب ثم آمر رجلا یصلی بالناس ثم تحرق بیوت علی من فیھا.
الدر المختار میں ہے
(فتسن او تجب) ثمرتہ تظھر فی الاثم بترکھا مرۃ (الجماعۃ) علی الرجال العقلاء البالغین الاحرار القادرین علی الصلوٰۃ بالجماعۃ من غیر حرج.
(الدر المختار: (554/1، ط: دار الفکر)
حاصل کلام یہ ہے کہ
جماعت سے نماز پڑھنا واجب ہے کہ بغیر عذر ایک بار بھی چھوڑنے والا گناہ گار اور سزا کا مستحق اور کئی بار کا تارک فاسق مردود الشہادۃ ہے اور اس کو سزا بھی دی جائے گی
کما فی الشامی
و قال فی شرح المنیۃ : و الاحکام تدل علی الوجوب؛ من ان تارکھا بلا عذر یعزّر و ترد شھادتہ؛ و یأثم الجیران بالسکوت عنہ؛ اھ
علی الصفحة ۲۸۷ للمجلد الثانی )
بہار شریعت میں ہے
عاقل ؛ بالغ ؛ حر۔قادر۔ پر جماعت واجب ہے بلا عذر ایک بار بھی چھوڑنے والا گنہگار اور مستحق سزا ہے اور کئی بار ترک کرے ؛ تو فاسق مردود الشہادۃ اور اس کو سخت سزا دی جائے گی اگر پڑوسیوں نے سکوت کیا تو وہ بھی گنہگار ہوئے (بہار شریعت ج اول ح سوم ص۔نمبر ۵۸۲ مطبوعہ مکتبۃ المدینہ)
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
27/11/2023
27/11/2023
