۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ ابھی کچھ روز قبل ایک عالم دین پیر ثقلین میاں کا انتقال ہوا جس میں کئی طرح کے لوگ اُنکے بارے میں بول رہے ہیں کوئی کہتا ہے کہ ان کا ایمان پر خاتمہ نہیں ہوا کچھ کا کہنا ہے کہ وہ صحابہ کرام رضوان اللہ علیہم اجمعین کے گستاخ ہیں کوئی کہتا ہے کہ انکی موت کفر پر ہوئی ہے کوئی کہتا ہے کہ وہ مسلک اعلیحضرت پر نہیں تھے اب سوال یہ ہے کہ ان کے بارے میں عوام کو کیا عقیدہ رکھنا چاہیے تفصیلی جواب عنایت فرمائیں
سائل:- رئیس احمد انصاری شراوستی يو پی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
میں انہیں مسلمان عالم دین مانتا ہوں میرے علم کے موافق ان کے کوئی اعمال و اقوال ایسے نہیں جس بنا پر انہیں خارج از اسلام کہا جایے ۔
مزید جانکاری بریلی کے معتمد علما سے حاصل کریں۔
البتہ باب کفریات میں سخت احتیاط کی ضرورت ہوتی ہے
مشکوٰۃ شریف میں ہے
حضرت ابن عمر رضی اللہ تعالیٰ عنہ سے روایت ہے کہ رسول اللہ صلی اللہ علیہ وسلم نے فرمایا: جس شخص نے اپنے مسلمان بھائی کو کافر کہا تو ان دونوں میں سے ایک پر کفر لوٹ گیا یعنی یا تو کہنے والا خود کافر ہوگیا یا وہ شخص جس کو اس نے کافر کہا ہے۔ (بخاری ومسلم)
دوسری روایت میں ہے
حضرت ابوذر رضی اللہ تعالیٰ عنہ سے روایت ہے کہ رسول اللہ صلی اللہ علیہ وآلہ وسلم نے فرمایا کہ جس شخص نے جانتے بوجھتے کسی دوسرے کو باپ بنایا تو یہ بھی کفر کی بات ہے اور جس شخص نے ایسی بات کو اپنی طرف منسوب کیا جو اس میں نہیں ہے تو ایسا شخص ہم میں سے نہیں ہے اور اس کو اپنا ٹھکانہ جہنم میں بنانا چاہئے اور جس نے کسی کو کافر کہا یا اللہ کا دشمن کہہ کر پکارا حالانکہ وہ ایسا نہیں ہے تو یہ کلمہ اسی پر لوٹ آئے گا''۔
(صحیح مسلم:جلد اول:حدیث نمبر 219 )
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
25/10/2023
