اگر قربانی عورت کے نام سے تو کیا اسکے شوہر کا نام لینا پڑے گا یا عورت کے باپ کا؟

 (سوال نمبر 2058)
اگر قربانی عورت کے نام سے تو کیا اسکے شوہر کا نام لینا پڑے گا یا عورت کے باپ کا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمۃ اللہ و برکاتہ
کیا فرماتے ہیں علمائے کرام اور مفتیان عظام اس مسئلے کے بارے میں کہ اگر قربانی عورت کے نام سے تو کیا اسکے شوہر کا نام لینا پڑے گا یا عورت کے باپ کا؟ مدلل جواب عنایت فرمائیں۔
سائل:- محمد شفیق اللہ ساکن مہراجگنج انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونشكره ونصلي على رسوله الأمين 
وعليكم السلام ورحمة الله وبركاته 
الجواب بعونه تعالى عز وجل 
مذکورہ صورت میں 
جس عورت کے نام سے قربانی ہو بوقت دعاء فقط عورت کا نام لے لینا کافی ہے 
اللہ علیم و خبیر ہے ۔ وہ خوب جانتا ہے 
پھر بھی اگر عورت کے نام کے ساتھ شوہر یا باپ میں سے کسی کا نام لینا ہو تو باپ کا نام لینا زیادہ انسب ہے ۔
مفتی جلال الدین احمد امجدی رحمت اللہ علیہ فرماتے ہیں 
جس عورت کی طرف سے قربانی ہو خداۓ علیم وخبیر ہے خوب جانتا ہے کہ وہ فلاں کی لڑکی فلاں کی بیوی ہے اس لیے صرف عورت کا نام لینا کافی ہے فلاں بنت فلاں یا فلاں زوجۂ فلاں کہنا ضروری نہیں اور اگر کہہ دے تو کوئی حرج بھی نہیں -
(فتاویٰ فیض الرسول ج ٢ ص ٤٤٨)

والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال

9/3/2022