حالت نماز میں ہاتھ کے اشارہ سے سلام کا جواب دینا؟

 (سوال نمبر 5227)
حالت نماز میں ہاتھ کے اشارہ سے سلام کا جواب دینا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللّٰہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ اگر کوئی نماز کی حالت میں ہے نیت باندھ لیا ہے پھر پیچھے سے کوئ آکر سلام کر دے تو کیا نماز کے حالت میں ہاتھ کا اشارہ دیکر سلام کا جواب دے سکتے ہیں
 جزاک اللّٰہ خیرا
سائل:- محمد مزمل حسین ٹھارہی دھنوشا نیپال
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
حالت نماز میں ہاتھ کے اشارے سے سلام کا جواب دینا مکروہ ہے کراہت کے ساتھ نماز ہوگئی۔
بہار شریعت میں ہے 
کسی شخص کو سلام کیا عمدا ہو یا سہوا نماز فاسد ہوگئی اگرچہ بھول کر السلام کہا تھا کہ یاد آیا سلام کرنا نہ چاہئے اور سکوت کیا ، زبان سے سلام کا جواب دینا بھی نماز کو فاسد کرتا ہے اور ہاتھ کے اشارے سے دیا تو مکروہ ہوئی سلام کی نیت سے مصافحہ کرنا بھی نماز کو فاسد کردیتا ہے

(بہار شریعت ج 1 ص 605 / 604)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
25/11/2023