کیا رمضان المبارک میں اعتکاف کے لیے روزہ شرط ہے؟

کیا رمضان المبارک میں اعتکاف کے لیے روزہ شرط ہے؟
◆ــــــــــــــــــــــ~~~~~~ـــــــــــــــــــــــــ◆
اَلسَّــلَامْ عَلَیْڪُمْ وَرَحْمَةُ اللہِ وَبَرَڪَاتُہْ

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ کیا اعتکاف کے لئے روزہ رکھنا شرط ہے یا نہیں رمضان المبارک میں۔
الســائل:- مولانا اسلام رضانگر
◆ــــــــــــــــــــــ~~~~~~ـــــــــــــــــــــــــ◆
وَعَلَیْڪُمْ اَلسَّــلَامْ وَرَحْمَةُ اللہِ وَبَرَڪَاتُہ
الجـــــوابــــــــــــ: بعون الملک الوہاب

سیدی اعلیٰ حضرت امام اہلسنّت شاہ امام احمد رضا خان فاضل بریلوی علیہ الرحمہ تحریر فرماتے ہیں
اعتکاف عشرہ اخیرہ کی سنتِ مؤکدہ علیٰ وجہ الکفایہ ہے، جس پر حضور پُر نور سیّد عالم صلی ﷲ تعالیٰ علیہ وسلم نے مواظبت ومداومت فرمائی پورے عشرہ اخیرہ کا اعتکاف ہے، ایك روز بھی کم ہو تو سنّت ادا نہ ہوگی۔
(فتاوی رضویہ جلد 10 صفحہ654)
اعتکاف کے لئے چونکہ روزہ شرط ہے اس لئے روزہ توڑ دینے سے اعتکاف بھی ٹوٹ جاتا ہے یہ روزہ خوہ کسی عذر سے چھوڑا ہو یا بلا عذر جان بوجھ کر توڑا ہو یاغلطی سے ٹوٹا ہو ہر صورت میں اعتکاف ٹوٹ جاتا ہے غلطی سے روزہ توڑنے کا مطلب یہ ہے کہ روزہ تو یاد تھا لیکن بے اختیار کوئی عمل ایسا ہوگیا جو روزے کہ منافی تھامثلا صبح صادق طلوع ہونے کے بعد تک کھاتے رہے یا گروپ آفتاب سے پہلے یہ سمجھ کر روزہ افطار کرلیا کہ افطار کا وقت ہوچکا ہے یا روزہ یاد ہونے کے باوجود کلی کرتے وقت غلطی سے پانی حلق میں چلا گیا تو ان تمام صورتوں میں روزہ بھی جاتا رہا اور اعتکاف بھی ٹوٹ گیا۔
 کسی وجہ سے اگر سنت اعتکاف ٹوٹ جائے تو اس کا حکم یہ ہے جس دن اعتکاف ٹوٹا ہے صرف اسی دن کی قضا واجب ہوگی پورے دس دن کی قضا واجب نہیں۔(شامی)
 (اعتکاف کا بیان صفحہ 26)

وَاللّٰــــهُ تَعَـــالــٰی اَعـــلَمُ بِــالصَّــــوَاب
◆ــــــــــــــــــــــ~~~~~~ـــــــــــــــــــــــــ◆
✍ کتبـــــــــــــــــــــــــہ:

حــضـــرت عـــلامــہ و مـــولانــا محمــــــــد امــتـیـاز قـمـر الـقــادری رضـــوی عـفـی عــنـہ صـاحـب قبـلـہ مـدظلــہ الـعالـی والـنـوارنــی، مــدنـگـنـڈی بـلـیـابــرنــی خـطـیــب وامــام رضـــانــگــر گـیـنــرو بـیـنـگا بـاد گــریـڈیــہ جـھـار کـھـنـڈ