مسلم لڑکیوں کا airhostess کی جاب کرنا کیسا ہے؟

 (سوال نمبر 4932)
مسلم لڑکیوں کا airhostess کی جاب کرنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ لڑکیوں کا (airhostess) کی جاب کرنا کیسا ہے اور اِس سے حاصل ہونے والی آمدنی کی کیا شرعی حیثیت ہے ؟ شرعی رہنمائ فرمائیں۔

سائل:- عبدالمصطفیٰ محمد عمر از پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
عورت کےلئے فی زمانہ ایئرہوسٹس کی نوکری کرنا، ناجائز وحرام ہے،کیونکہ اس میں بے پردگی، غیر محرم مردوں سے بلا وجہ شرعی اختلاط اور شرعی سفر (92کلومیٹر یا اس سے زائد مسافت) محرم يا شوہر‌کے بغیر کرنا پڑتا ہے اور یہ ناجائز و حرام ہے۔اور اسکی کمائی بھی حلال نہیں۔
پردے کے بارے میں سوال جواب نامی کتاب میں ہے سُوال:کیا ائیر ہوسٹِس کی نوکری جائز ہے؟
جواب:فی زمانہ ائیر ہوسٹِس کی نوکَری حرام اور جہنَّم میں لے جانے والا کام ہے کیونکہ اِس میں بے پردَگی شَرط ہوتی ہے۔نِیز اُس کوبِغیر شوہر یا محرم کے غیر مردوں کے ساتھ سفر بھی کرنا پڑتا ہے۔"(پردے کے بارے میں سوال جواب،ص 162،مکتبۃ المدینہ،کراچی)
(ایسا ہی فتاوی اہل سنت میں ہے)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
09/11/2023