جاڑے میں اونی یا کوئی بھی ٹوپی موڑ کر نماز پڑھنا کیسا ہے؟

 (سوال نمبر 4889)
جاڑے میں اونی یا کوئی بھی ٹوپی موڑ کر نماز پڑھنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ جاڑے کے موسم میں بڑی اونی ٹوپی پہن کر نماز پڑھنا کیسا ہے؟ برائے کرم تفصیلی معلومات عنایت فرمائیں۔
سائل:- افضل حسین شہر کانپور یوپی انڈیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
مذکورہ صورت میں اونی ٹوپی موڑ کر پہن کر نماز پڑھنا جائز ہے اس میں کوئی حرج نہیں ہے یہ خلاف معتاد اور کف ثوب نہیں ہے ۔عرفا اس طرح توپی عموما پہنتے ہیں اس میں کوئی عیب بھی نہیں۔
حضور فقیہ ملت مفتی جلال الدین احمد امجدی علیہ الرحمہ تحریر فرماتے ہیں 
کسی کپڑے کو ایسا خلاف عادت پہننا کہ کسی مہذب آدمی مجمع یا بازار میں نہ کر سکے اور اگر کرے تو بے ادب خفیف الحرکات سمجھا جائے یہ مکروہ ہے۔

(فتاوتی فیض الرسول، ج ١، ص: ٣٧٣)
اعلیٰ حضرت محدث بریلوی رضی اللہ تعالی عنہ تحریر فرماتے ہیں
کسی کپڑے کو ایسا خلاف عادت پہننا جسے مہذب آدمی مجمع یا بازار میں نہ کر سکے اور کرے تو بے ادب، خفیف الحرکات سمجھا جائے یہ بھی مکروہ ہے۔

(فتاویٰ رضویہ مترجم، ج: 7، ص: 385)
در مختار میں ہے
كره (كفه) أي رفعه ولو لتراب كمشمر كم أو ذيل۔

[الدر المختار، ج: ١، ص: ٦٤٠، دار الفكر بيروت]
فتاویٰ ہندیہ میں ہے
يكره للمصلي أن يعبث بثوبه أو لحيته أو جسده وأن يكف ثوبه بأن يرفع ثوبه من بين يديه أو من خلفه إذا أراد السجود. كذا في معراج الدراية۔

[الفتاوى الهندية، ج: ١، ص: ١٠٥، دار الفكر بيروت]

(فتاوی مرکز تربیت افتاء، ج: 1، ص: 241-242)

والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
05/11/2023