سگی نانی کی بہن کی لڑکی سے نکاح کرنا کیسا ہے؟

 (سوال نمبر 4727)
سگی نانی کی بہن کی لڑکی سے نکاح کرنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ 
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ 
حضرت سگی نانی کی بہن کی لڑکی سے نکاح کرنا کیسا ہے؟ یہ والا مسئلہ پھر سے بھیجے مہربانی ہوگی 
سائل:- محمد اقصاد رضا ناگپور انڈیا 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
سگی نانی کی بہن کی لڑکی سے نکاح کرنا ہے کہ وہ غیر محرم ہے ۔
قرآن مقدس میں تیں طرح کی عورتوں کو محرمات نکاح میں شمار کیا گیا ہے 
١/ محرمات نسب-
٢/ محرمات رضاعت 
٣/ حرمت مصاحرت 
مسلئہ مسئولہ میں اپنی نانی کی بہن کی بیٹی سے نکاح کرنا جائز ہے ۔
حرمت مصاہرہ کے تحت فقط اپنی خالہ خواہ سگی ہو یا سوتیلی سے نکاح حرام ہے ۔یعنی ماں کی سگی بہن یا- سوتیلی بہن سے نکاح کرنا جائز نہیں ہے ۔  
اسی طرح بہار شریعت میں ہے، کہ اپنی ماں کی سگی یا سوتیلی بہن سے نکاح کرنا حرام ہے ۔(بہار شریعت ح ٧ ص ٢٨ المکتبة المدینہ) 
سورہ النساء میں ارشاد باری تعالی ہے  
(واحل لکم ماوراء ذلکم)
محرمات مذکورہ (یعنی قرآن شریف میں جو مذکور ہیں ان کے) علاوہ تمہارے لیے حلال کی گئی ہیں۔ (س نساء ۴ آیت ۲۴) 
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
16/10/2023