کیا مسجد میں نکاح کرنا حدیث سے ثابت ہے؟

 (سوال نمبر 4734)
کیا مسجد میں نکاح کرنا حدیث سے ثابت ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ کیا مسجد میں نکاح کرنا سنت احادیث سے ثابت ہے؟  برائے کرم قرآن و حدیث کی روشنی میں جواب عنایت فرمائیں ۔
سائل:- توصیف احمد ملتان پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
ہاں مسجد میں نکاح کرنا حدیث سے ثابت ہے اور یہ سنن مستحبہ ہے جبکہ احترام مسجد لازم ہے ۔
حدیث شریف میں ہے 
حضرت عائشہ رضی اللہ عنہا کی روایت ہے قال رسول اللہ صلی اللہ علیہ وسلم: اعلنوا ہذا النکاح واجعلوہ في المساجد الخ۔ (رواہ ترمذي: ۱/۲۰۷)
 حضور صلی اللہ علیہ وسلم نے فرمایا نکاح کا اعلان کرو، اور نکاح مسجد میں کیا کرو۔
فتاوٰی شامی میں ہے 
ويندب ‌إعلانه وتقديم خطبة وكونه في مسجد يوم جمعة۔
نکاح کا اعلان کرنا، خطبہِ نکاح کا عقدِ نکاح سے پہلے ہونا اور نکاح کا جمعہ کے دن مسجد میں ہونا، یہ تمام اُمور مستحب ہیں۔

(درمختار مع ردالمحتار ، جلد4،کتاب النکاح، صفحہ75، مطبوعہ کوئٹہ)
بہار شریعت میں ہے 
مسجد میں عقد نکاح کرنا مستحب ہے۔مگر یہ ضرور ہے کہ بوقت نکاح شورو غل اور ایسی باتیں جو احترام مسجد کے خلاف ہیں، نہ ہونے پائیں، لہٰذا اگر معلوم ہو کہ مسجد کے آداب کا لحاظ نہ رہے گا تو مسجد میں نکاح نہ پڑھوائیں۔

(بھار شریعت، جلد3، حصہ16، صفحہ498، مکتبۃ المدینہ،کراچی)
فتاویٰ اجملیہ، میں نے 
مسجد میں نکاح کی مجلس منعقد کرنا مستحب ہے۔ 

(فتاویٰ اجملیہ، جلد2، صفحہ 398، مطبوعہ شبیر برادرز، لاھور)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
17/10/2023