بعد وصال ظاہری نبی علیہ السلام کی روح مبارک کہاں رکھی گئی ہے؟

(سوال نمبر 4425)
بعد وصال ظاہری نبی علیہ السلام کی روح مبارک کہاں رکھی گئی ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ بعد وصال ظاہری نبی علیہ السلام کی روح مبارک کہاں رکھی گئی اہلحدیث دلیل مانگتے ہیں۔ تفصیلی جواب عنایت فرمائیں۔
سائل:- ابو رضا سید علی مرتضی شاہ عطاری سندھ پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
بعد وصال ظاہری نبی علیہ السلام کی روح مبارک کو اللہ سبحانہ و تعالی نے آپ کے جسم اقدس میں لوٹا دی ہے اپ بحیاتِ حقیقی زندہ ہیں جیسے دنیا میں تھے
پر جنت میں جہاں چاہے سیر کرتے ہیں۔
بہار شریعت میں ہے 
انبیا عَلَیْہِمُ السَّلَام اپنی اپنی قبروں میں اُسی طرح بحیاتِ حقیقی زندہ ہیں جیسے دنیا میں تھے کھاتے پیتے ہیں جہاں چاہیں آتے جاتے ہیں تصدیقِ وعدۂ الٰہیہ کے لیے ایک آن کو اُن پر موت طاری ہوئی پھر بدستور زندہ ہوگئے اُن کی حیات حیاتِ شہدا سے بہت ارفع و اعلیٰ ہے فلہذا شہید کا ترکہ تقسیم ہوگا اُس کی بی بی بعدِ عدت نکاح کرسکتی ہے بخلاف انبیا کے کہ وہاں یہ جائز نہیں (بہار شریعت ح ١ ص ٦٢)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
15/09/2023