کیا غسل کرنے کے بعد نماز کے لیے وضو کرنا ضروری ہے؟

 (سوال نمبر 4489)
کیا غسل کرنے کے بعد نماز کے لیے وضو کرنا ضروری ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمۃ اللہ وبرکاتہ 
کیا فرماتے ہیں علمائے کرام و مفتیان عظام درج ذیل سوال کے بارے میں
غسل کرنے کے بعد وضو الگ سے کرنا ضروری ہے یا وہی کافی ہے
وضو کے دوران کسی نے سلام کیا تو اسکا جواب دے سکتے ہیں یا نہیں
سائل:- محمد ظفر رضا خیری ضلع و شہر قنوج یو پی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
غسل کے بعد نماز کے لیے وضوء کرنا ضروری نہیں ہے جبکہ غسل کے بعد کوئی نواقض وضو لاحق نہ ہوں۔مسنون تو یہ ہے کہ غسل کے شروع میں باقاعدہ وضو کرلیا جائے اور اگر کسی نے غسل سے پہلے وضو نہیں کیا تو غسل کے ساتھ وضو بھی ہوجائے گا کیونکہ غسل میں پورے جسم کے ساتھ اعضائے وضو بھی دھل جاتے ہیں لہٰذا غسل کے بعد مستقل وضو کرنے کی ضرورت نہ ہوگی اس کے بغیر نماز وغیرہ پڑھ سکتے ہیں البتہ اگر غسل کے بعد وضو ٹوٹ گیا تو نماز وغیرہ کے لیے بہرحال دوبارہ وضو کرنا ہوگا 
مشکاة شریف میں ہے عن عائشة قالت: کان رسول اللہ صلی اللہ علیہ وسلم: لا یتوضأ بعد الغسل رواہ الترمذي وأبوداوٴد والنسائي وابن ماجة 
(مشکاة شریف (ص۴۸)
مرقات شرح مشکاة میں ہے
کان النبي صلی اللہ علیہ وسلم لا یتوضأ بعد الغسل أي: اکتفاء بوضوئہ الأول في الغسل وہو سنة أو باندراج ارتفاع الحدث الأصغر تحت ارتفاع الأکبر بإیصال الماء إلی جمیع أعضائہ وہو رخصة․․․ قال ابن حجر: وقالوا: ولا یشرع وضوء ان اتفاقا للخبر الصحیح کان علیہ الصلاة والسلام لا یتوضأ بعد الغسل من الجنابة“ اھ

(مرقات شرح مشکاة (۲/۱۳۶، ۱۳۷ مطبوعہ دارالکتب العلمیة) 
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
21/09/2023