(سوال نمبر 4042)
تالیاں سیٹی اور بانسری بجانا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ تالیاں بجانا گناہ ہے یا نہیں اور سیٹی یا بانسری بجانا کیسا ہے؟
اور گستاخ رسول اور اس کے امداد کرنے والو کو گالی دینا کیسا ہے؟
ساہل:- مزمل صدیقی پنجاب پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعلیکم السلام ورحمتہ اللہ وبرکاتہ
الجواب بعونہ تعالیٰ عزوجل
تالی سیٹی گانے کے دھن پر با سری بجانا گناہ ہے اور چٹکیاں بجانا فساق و فجار بلکہ غیروں کا طریقہ ہے اور منہ سے موسیقی کی آواز نکالنا بھی ناجائز ہے
تفسیرِ کبیر میں ہے
حضرتِ سیّدنا عبد اللہ بن عباس رضی اللہ تعالٰی عنہما
فرماتے ہیں کہ کفار ِقریش برہنہ (بے لباس) ہو کر خانۂ کعبہ کا طواف کرتے تھے اور سیٹیاں اور تالیاں بجاتے تھے۔(تفسیرِ کبیر، پ9، الانفال تحت الآیۃ:35،ج 5،ص481)
بہارِ شریعت نے ناچنا اور تالی بجانا وغیرہ کو ناجائز فرمایا ہے۔(ماخوذ از بہارِ شریعت ج 3،ص511)
واضح رہے کہ خوشی و مسرت کے مواقع پر تالیاں بجانا مغربی تہذیب کی دَین ہے مسلمانوں کا یہ طریقہ نہیں ہے شریعت کاملہ نے کسی جائز کام پر حوصلہ افزائی کے لیے سبحان اللہ یا ماشاء اللہ کہنے کا حکم فرمایا ہے حدیث شریف میں آتا ہے کہ حضور اکرم ﷺ نے ارشاد فرمایا جو شخص کسی غیر قوم کے اخلاق وعادات اور طور طریقہ کی پیروی کرنے لگے وہ انہیں میں سے ہوجاتا ہے۔ لہٰذا شریعت کے حکم کو چھوڑ کر غیروں کے طریقے کو اختیار کرتے ہوئے تالیاں بجانا بلا شبہ معصیت اور گناہ ہے نیز کسی ناجائز کام کی حوصلہ افزائی میں تالیاں بجانا تو گناہ در گناہ ہے۔
فتاوی شامی میں ہے
وکرہ کل لھو ای کل لعب و عبث۔والاطلاق شامل لنفس الفعل واستماعہ کالرقص والسخریۃ والتصفیق و ضرب الاوتار فانہا کلہا مکروھۃ لانہا زی الکفار (رد المحتار مع الدر ۶/۳۹۵)
حدیث پاک میں ہے
وعن ابن عمر قال قال رسول اللہ صلی اللہ علیہ وسلم: من تشبہ بقوم فھو منھم۔(سنن أبي داؤد، رقم : ۴۰۳۱)
والله ورسوله اعلم بالصواب
کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال
13/07/2023
