(سوال نمبر 5031)
محرم الحرام میں کالے سبز اور لال رنگ کا لباس پہننا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ۔
کیا فرماتے ہیں مفتیان کرام اس بارے میں کہ کالے ، سبز ، لال رنگ کے کپڑے محرم الحرام میں پہننا منع ہیں؟ اس پہ کوئی حدیث دلیل عطا فرمائے۔
سائلہ:- بنت عباس شہر دارلسلام ٹوبہ ٹیک سنگھ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمة الله وبركاته
الجواب بعونه تعالى عزوجل
محرم الحرام میں سبز اور سیاہ کپڑے پہننا علامت سوگ ہیں اور سوگ حرام ہے خصوصاً کالے کپڑے کا شعار شیعوں کا ہے ۔سیاہ کہ یہ رافضیوں کا طریقہ ہے سبز کہ یہ تعزیہ داروں کا طریقہ ہے اور سرخ کہ یہ خارجیوں کا طریقہ ہے اس لئے منع ہے
واضح رہے کہ تعزیہ بنانا اس میں شریک ہونا، ان میں چندہ دینا اورجو محلے وا لے اوردیگر حضرات چندہ دے کران کی ہمت اور معاونت کرتے ہیں گویا وہ اس حرام کام میں ان کی ہمت آفزائی کرتے ہیں جو بالکل سرے سے حرام ہے
ارشاد باری تعالیٰ ہے:
ولا تعاونوا علی الاثم والعدوان(سورۃالمائدہ آیت۲)
گناہ اور زیادتی کے معاملات میں ایک دوسرے کی مدد نہ کرو۔ اور اسی طرح حدیث شریف میں ہے کہ جو شخص امر خلاف شرع دیکھے تو اسے چاہئیے کہ اسے اپنے ہاتھ سے مٹادے ۔اگر اپنے ہاتھ سے مٹا نہیں سکتا تو زبان سے مٹا دے اور اگر زبان سے بھی نہیں مٹا سکتا تو دل میں اس کو برا جانے اور یہ یعنی دل سے برا جانا ضعیف ایمان ہے (مسلم شریف)
تو آئیے اس حرام کام کو اس معاشر ے سے دور کریں ۔
محمرم الحرام میں سیاہ کپڑے پہننا کیسا؟
(۱) محرم الحرام میں سبز اور سیاہ کپڑے پہننا علامت سوگ ہیں اور سوگ حرام ہے خصوصاً کالے کپڑے کا شعار شیعوں کا ہے ۔
(فتاوٰی رضویہ جدید، جلد 24،ص 504)
(۲) ایام محرم میں یعنی پہلی محرم سے بارھویں محرم تک تین قسم کے رنگ نہ پہنے جائیں سیاہ کہ یہ رافضیوں کا طریقہ ہے سبز کہ یہ تعزیہ داروں کا طریقہ ہے اور سرخ کہ یہ خارجیوں کا طریقہ ہے کہ وہ معاذ اللہ اظہار مسرت کے لیے سرخ پہنتے ہیں ۔
( بہار شریعت ح 16،ص59 )
واللہ و رسولہ اعلم بالصوب
کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال۔23/07/2023
