کیا نماز میں سلام پھیرنے کے وقت لفظ السلام کا ہونا واجب ہے؟

 (سوال نمبر 5277)
کیا نماز میں سلام پھیرنے کے وقت لفظ السلام کا ہونا واجب ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمت اللہ وبرکاتہ 
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ
خروج بصنعہ میں لفظ "سلام" کہنا واجب ہے ؟ 
قرآن وحدیث کی روشنی میں جواب عنایت فرمائیں
المستفتی عبدالصمد فتح پور انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
نماز سے نکلنے کے لیے ایک بار لفظ سلام کا ہونا واجب ہے دوبار واجب نہیں ہے اگر کوئی ایک بار بھی سہوا لفظ سلام نہیں کہا پھر سجدہ سہو واجب ہے اور اگر عمدا نہیں کہا پھر نماز نہیں ہوگی ۔
بہار شریعت میں ہے 
لفظ اَلسَّلَامُ دو بار اور لفظ عَلَیْکُمْ واجب نہیں۔

(3/522 بہارشریعت)
اسی میں ہے 
خروج بصنعہ یعنی قعدۂ اخیرہ کے بعد سلام و کلام وغیرہ کوئی ایسا فعل جو منافی نماز ہو بقصد کرنا، مگر سلام کے علاوہ کوئی دوسرا منافی قصداً پایا گیا، تو نماز واجب الاعادہ ہوئی اور بلاقصد کوئی منافی پایا گیا تو نماز باطل۔

(بہارشریعت ح 3 ص 520 مکتبہ المدینہ)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
29/11/2023