کانچ پلاسٹیک اور کچکڑ کی چوڑی پہننا کیسا ہے؟

 (سوال نمبر 5223)
کانچ پلاسٹیک اور کچکڑ کی چوڑی پہننا کیسا ہے؟
........................................
السلام علیکم ورحمتہ اللہ وبرکاتہ

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ جیسے عورتیں جو چوڑی پہنتی ہیں کانچ کی ہوتی ہے پلاسٹیک اور کچکڑ کی چوڑی پہننا کیسا ہے؟ جواب عنایت فرمائیں مہربانی ہوگی۔
سائل:-نسیم احمد اویسی سلطانپور یوپی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل

ہمارے دور کے جید علمائے کرام نے بوجہ عمومِ بلوٰی و حرج عورتوں کے لئے سونا چاندی کے علاوہ دیگر دھاتوں سے بنی ہوئی آرٹیفشل جیولری کے جواز کا فتویٰ دیا ہے لہٰذا عورتیں لوہا ، پیتل یا دیگر دھاتوں کا بنا ہوا زیور پہن سکتی ہیں اگرچہ وہ دو دھاتوں کو ملا کر بنایا گیا ہو۔
(ایسا فتاوی اہل سنت میں ہے)
اسی طرح مصنوعی زیورات کی خرید و فروخت جائز ہے، سونا چاندی کے علاوہ دیگر دھاتوں، کانچ، پلاسٹک، وغیرہ پہننا خواتین کے لیے جائز ہے۔
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
25/11/2023