بہار شریعت کی عبارت میں تطبیق؟

 (سوال نمبر 5167)
بہار شریعت کی عبارت میں تطبیق؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ حیض نفاس والی عورتیں اذان کا جواب دے سکتی ہیں؟ بہارے شریعت میں ہے کہ حیض و نفاس والی عورتوں کو اذان کا جواب نہیں دینا چاہۓ اور دیگر فتوے کی کتابوں میں ہے کہ دے سکتی ہیں بہارے شریعت میں تو سب مفتی بہ مسئلہ ذکر ہیں تو کیا اس مسئلہ پر عمل نہیں ہوگا 

تطبیق کی کیا صورت ہوگی؟
جواب ارسال فرماٸیں بڑی نوازش ہوگی
سائلہ:- سعدیہ فاطمہ شہر ناگپور انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاتہ
الجواب بعونه تعالي عز وجل
١/ حیض و نفاس والی عورت پر اذان کا جواب دینا واجب نہیں ہے اگر نہیں دے گی تو آثمہ نہیں۔ اگر دینا چاہے تو دے سکتی ہے 
٢/ بہار شریعت میں یہ نہیں ہے کہ حیض و نفاس والی عورت کو اذان کا جواب نہیں دینا چاہیے 
بلکہ اس میں ہے مذکورہ عورت پر اذان کا جواب دینا واجب نہیں ہے پھر بھی اگر کوئی عورت اسی حال میں اذان کا جواب دینا چایے تو دے سکتی یے اور یہ بات خود بہار شریعت میں حیض و نفاس کے بیان میں ہے۔
بہار شریعت میں ہے 
جنب بھی اَذان کا جواب دے۔ حیض و نفاس والی عورت اور خطبہ سننے والے اور نمازِ جنازہ پڑھنے والے اور جو جماع میں مشغول یا قضائے حاجت میں ہو، ان پر جواب نہیں ۔

(بہار شریعت ح 3 ص 447 مکتبہ المدینہ)
بہار شریعت میں حیض و نِفاس کے متعلق احکام میں ہے 
ایسی عورت کو اذان کا جواب دینا جائز ہے۔ 
ایسی عورت کو مسجد میں جانا حرام ہے۔

(بہار شریعت ح 2 ص 382 المرج السابق)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
19/11/2023