صاحب ترتیب پہلے قضا پڑھے یا جماعت میں شامل ہو؟

(سوال نمبر 5027)
صاحب ترتیب پہلے قضا پڑھے یا جماعت میں شامل ہو؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام و علیکم و رحمۃ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ صاحب ترتیب کی اگر فجر قضا ہو جائے اور ظہر کے وقت کی جماعت قائم ہو تو جماعت میں شامل ہو جائے یا پہلے فجر کی قضا ادا کرے

رہنمائی فرمائیں مہربانی ہوگی۔
محمد عمران ممبئی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمة الله وبركاته
الجواب بعونه تعالى عزوجل
اگر آپ صاحب ترتیب ہیں یعنی بلوغ کے بعد سے اب تک آپ کے ذمہ کوئی قضاء نماز باقی نہیں ہے تو اگر فجر کی نماز قضاء ہوجائے اور مسجد میں ظہر کی جماعت کھڑی ہوچکی ہو تو آپ کے لیے پہلے فجر کی قضاء پڑھنی ضروری ہے اس کے بغیر ظہر کی نماز صحیح نہیں ہوگی 
بہار شریعت میں ہے
جب چھ نمازیں قضا ہونے کے سبب ترتیب ساقط ہوگئی تو ان میں سے اگربعض پڑھ لی کہ چھ سے کم رہ گئیں تو وہ ترتیب عود نہ کرے گی یعنی ان میں سے اگر دو باقی ہوں تو باوجود یاد کے وقتی نماز ہو جائے گی البتہ اگر سب قضائیں پڑھ لیں تو اب پھر صاحب ترتیب ہوگیا کہ اب اگر کوئی نماز قضا ہوگی تو بشرائط سابق اسے پڑھ کر وقتی پڑھے ورنہ نہ ہوگی۔

(بہار شریعت۔ج 1،ح 4، ص 705،مکتبۃ المدینہ)
واللہ و رسولہ اعلم بالصواب 

_________(❤️)_________ 

کتبہ :- شیخ طریقت مصباح ملت محقق مسائل کنز الدقائق 

حضور مفتی اعظم بہار حضرت علامہ مولانا مفتی محمد ثناء اللہ خان ثناء القادری مرپاوی سیتا مڑھی صاحب قبلہ مدظلہ العالیٰ النورانی
23//07/2023