ملجی کسے کہتے ہیں؟

 (سوال نمبر 4910)
ملجی کسے کہتے ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلامُ علیکم ورحمتہ اللہ وبرکاتہ

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ ملجی کسے کہتے ہیں؟ جواب عنایت فرمائیں۔
سائل:- محمّد تاج الدین متھرا یوپی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل

 
اکراہ کی دو قسمیں ہیں
١/ اکراہ ملجی
٢/اکراہ غیر ملجی
یاد رہے کہ اِکراہ: کسی شخص کو قتل یا مار وغیرہ سے ڈرا دھمکا کر کسی ایسے کام پر اسے مجبور کرنا جس کو وہ کرنا نہ چاہتا ہو اور اس سے راضی نہ ہو۔
 ١/ پہلی قسم: اِکراہِ مُلجی
یہ پوری طرح مجبور کرنے کو کہتے ہیں جسے کیے بنا اس شخص کے لیے کوئی چارۂ کار ہی نہ ہو اور اسے ٹالنا اس کے بس میں نہ ہو، جیسے اس کو قتل کی دھمکی دینا کہ اگر اس نے وہ کام نہیں کیا تو اسے قتل کردیا جائے گا۔ 
٢/ دوسری قسم: اکراہِ غیر مُلجی: یعنی کسی کو ہر طرح سے مجبور نہ کیا جائے، مطلب اسے جان سے مارنے یا کوئی عضو کاٹنے کی دھمکی نہ دی جائے، بلکہ مارنے کی دھمکی دی جائے کہ اگر وہ ایسا نہیں کرے گا تو اس کو مار کی سزا دی جائے گی۔ اس سے بھی انسان کی مرضی پر ضرب آتی ہے، تاہم صبر پر قدرت رکھنے کی وجہ سے وہ شخص اسے نہ کرنے کا اختیار رکھتا ہے۔
بہار شریعت میں ہے 
اکراہ کی دو قسمیں ہیں 
ایک تام اور اس کو مُلجی بھی کہتے ہیں 
دوسری ناقص اس کو غیر مُلجی بھی کہتے ہیں ۔
 اکراہ تام یہ ہے کہ مار ڈالنے یا عضو کاٹنے یا ضرب شدید کی دھمکی دی جائے ضرب شدید کا مطلب یہ ہے کہ جس سے جان یا عضو کے تلف ہونے کا اندیشہ ہو مثلاً کسی سے کہتا ہے کہ یہ کام کر، ورنہ تجھے مارتے مارتے بیکار کر دوں گا۔ اکراہ ناقص یہ ہے کہ جس میں اس سے کم کی دھمکی ہو مثلاً پانچ جوتے ماروں گا یا پانچ کوڑے ماروں گا یا مکان میں بند کر دوں گا یا ہاتھ پاؤں باندھ کر ڈال دوں گا۔
(بہار شریعت ح 15 ص191 مکتبہ المدینہ)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
07/11/2023