کیا وراثت میں بیٹا اور بیٹی کا برابر حصہ ہے؟

(سوال نمبر 4427)
کیا وراثت میں بیٹا اور بیٹی کا برابر حصہ ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام و علیکم و رحمۃ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ اگر والدہ کی وفات ہو جائے اور جو جائیداد والدہ کے نام رجسٹر تھی اور والد بھی وفات پا چکا ہے تو ماں کی جائیداد بیٹوں اور بیٹیوں میں کیسے تقسیم کی جائے گی ایک بھائی کو دو بہنوں کے برابر ملےگا یا بہن بھائی کو برابر حصہ ملے گا؟  قرآن وحدیث کی روشنی میں جواب عنایت فرمائیں۔
 سائلہ :- بنت محمد علی شہر کمالیہ پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
مذکورہ صورت میں جب والد پہلے انتقال کرچکے ہیں اور جائدہ مرحومہ والدہ کے نام ہے تو پہلے گرام پنچایت میں جاکر والدہ کی وفات سرٹیفکیٹ لے پھر اس سے تمام جائداد بڑے بیٹے کے نام کروائے یا ڈائریکٹ سب اولاد میں تقسیم کرے بیٹی کو ایک حصہ اور بیٹا کو دو حصہ شرعا وراثت میں حق ہے ۔
قرآنِ مجید میں اللہ تعالیٰ کا ارشاد ہے
يُوصِيكُمُ اللّهُ فِي أَوْلاَدِكُمْ لِلذَّكَرِ مِثْلُ حَظِّ الْأُنثَيَيْنِ.
اللہ تمہیں تمہاری اولاد (کی وراثت) کے بارے میں حکم دیتا ہے کہ لڑکے کے لئے دو لڑکیوں کے برابر حصہ ہے۔ (النساء، 4: 11)
مثلا اگر ایک بیٹا اور دو بیٹی ہے تو وراثت کے کل مال سے تجہیز و تکفین اور قرض وغیرہ دینے کے بعد 4 حصہ کرکے 2 حصہ بیٹا اور ایک ایک حصہ بیٹی کو ملے گا ۔
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
15/08/2023