جس جانور کے کان میں تھوڑا سا سوراخ ہو اس کی قربانی کرنے کا کیا حکم ہے؟

 (سوال نمبر 4512)
جس جانور کے کان میں تھوڑا سا سوراخ ہو اس کی قربانی کرنے کا کیا حکم ہے؟
................................
السلام علیکم ورحمتہ اللہ وبرکاتہ 

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ 

 جس جانور کے کان میں تھوڑا سا سوراخ ہو اس کی قربانی کرنے کا کیا حکم ہے؟ برائے کرم تفصیلی جواب عنایت فرمائیں۔
سائل:- محمد ندیم رضا قادری پنجاب پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
اگر کان صرف چِرا ہوا ہے یا کٹا ہے لیکن کان کی تہائی سے زیادہ نہیں کٹا ہے تو ایسے جانور کی قربانی ہو جائے گی مگر مکروہ تنزیہی ہے 
بہارِ شریعت میں ہے
کان یا دم یا چکی تہائی یا اس سے کم کٹی ہو ،تو (قربانی) جائز ہے۔

 (بہارِ شریعت ج 3،ح 15 ص341 مکتبۃ المدینہ، کراچی)

اسی میں ہے
قربانی کے جانور کو عیب سے خالی ہونا چاہئے اور تھوڑا سا عیب ہو ،تو قربانی ہوجائے گی ،مگر مکروہ ہوگی۔

(بھارِ شریعت ج 3 ح 15ص 340 مکتبۃ المدینہ، کراچی)

(ہکذا فی فتاوی اہل سنت)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
23/09/2023