دنیا میں کتنے انبیائے کرام تشریف لائیں؟

 (سوال نمبر 4526)
دنیا میں کتنے انبیائے کرام تشریف لائیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اَلسَلامُ عَلَيْكُم وَرَحْمَةُ اَللهِ وَبَرَكاتُهُ‎
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ زید کا کہناہے انبیا ٕکرام علیہ السلام دنیا میں ایک لاکھ چوبیس ہزار تشریف لاۓ مگر بکر کا کہنا ہے کہ انبیٕاء  ٕعلیہ السلام دنیا میں کم وبیش دو لاکھ چوبیس ہزار تشریف لائے دونوں میں کس کاقول صحیح ہے زید کا یا بکر کا ؟ قران وحدیث کی روشنی میں مدلل جواب مرحمت فرماۓ 
سائل:- قادری مُحَمَّد عالم نوری مرغیاچک سیتا مڑھی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
 نحمده ونصلي علي رسوله الكريم 
وعلیکم السلام ورحمة الله وبركاته 
الجواب بعونه تعالي عز وجل 
کل انبیاء کتنے آئے ہیں ان کی تعداد قرآن کریم کی کسی آیت میں مذکور نہیں البتہ ملا علی قاری وغیرہ نے بعض روایات ذکر کی ہیں جن سے معلوم ہوتا ہے کہ دنیا میں آنے والے کم و بیش کل انبیاء کی تعداد ایک لاکھ چوبیس ہزار ہے۔ (تفصیل کے لیے دیکھیں: شرح فقہ اکبر، شرح عقائد نسفی)
بہار شریعت میں ہے 
انبیا کی کوئی تعداد معیّن کرنا جائز نہیں کہ خبریں اِس باب میں مختلف ہیں اور تعداد معیّن پر ایمان رکھنے میں نبی کو نبوّت سے خارج ماننے یا غیرِ نبی کو نبی جاننے کا احتمال ہے اور یہ دونوں باتیں کفر ہیں لہٰذا یہ اعتقاد چاہیے کہ اللہ عزوجل کے ہر نبی پر ہمارا ایمان ہے۔( بہار شریعت)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
24/09/2023