کیا رمضان میں مکمل قرآن شریف پڑھنا لازم ہے؟

 (سوال نمبر 2061)

کیا رمضان میں مکمل قرآن شریف پڑھنا لازم ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلامُ علیکم ورحمتہ اللہ وبرکاتہ 
کیا فرماتے ہیں علمائے دین و مفتیان شرع متین اس مسئلے میں کہ کیا رمضان میں ایک قرآن مکمل پڑھنا ضروری ہے يا اگر ہم پہلے سے پڑھ رہے ہیں جہاں تک پڑھے ہے اسکے بعد سے پڑھ سکتے ہیں۔
سائل:-محمد ارشد عطاری انڈیا جھارکھنڈ
.....................................
نحمده و نصلي على رسوله الأمين 
وعليكم السلام ورحمة الله وبركاته 
الجواب بعونه تعالى عز وجل 
رمضان كريم میں قرآن شریف ختم کرنا لازم نہیں ہے اگر پہلے سے پڑھے ہوے ہیں تو اگے سے پڑھ سکتے ہیں اس میں کوئی حرج نہیں ہے البتہ جتنا پڑھے گا اتناہی اجر و ثواب ہے چونکہ رمضان میں ہر اجر کا ثواب بڑھ جاتا ہے یعنی نفل کا ثواب سنت کے برابر اور سنت کا ثواب فرض کے برابر اس لئے رمضان میں زیادہ قران شریف پڑھنی چاہئے 
یاد رہے کہ تراویح میں پورا کلامُ اللہ شریف پڑھنا اور سننا سنَّتِ مُؤَکَّدہ عَلَی الْکِفَایہ ہے لہٰذا اگر چند لوگوں نے مل کر تراویح میں ختم قراٰن کا اہتما م کرلیا تو بقیہ علاقے والوں کیلئے کفایت کرے گا۔
فتاوٰی رضویہ ج 10 ص 334 پر ہے
 قرآن دَرْ تراویح خَتم کَرْ دَنْ نَہ فَرْضَ سْت وَ نَہ سُنَّتِ عین یعنی تراویح میں قراٰنِ کریم ختم کرنا نہ فرض نہ سنَّتِ عین ہے۔ اور ص 335 پرہے
خَتْمِ قُرآن دَرْ تراویح سنّتِ کِفایہ اَسْت۔ یعنی تراویح میں ختمِ قراٰن سنَّتِ کِفایہ ہے۔اگر با شرائط حافِظ نہ مل سکے یا کسی وجہ سے ختم نہ ہو سکے تو تراویح میں کوئی سی بھی سورَتیں پڑھ لیجئے اگر چاہیں تو اَلَمْ تَرَسے وَالنَّاس دو بار پڑھ لیجئے، اِس طرح بیس رَکْعَتَیں یا د رکھنا آسان رہے گا۔ (ماخوذ از عالمگیری ج۱ص۱۱۸)
کما فی الفتاوی الہندیہ 
والسنة فیھا الختم مرة فلا یترک لکسل القوم 

(ملتقی الأبحر، کتاب الصلاة، ۱: ۲۰۳، ط: دار الکتب العلمیة بیروت)
السنة في التراویح إنما ھو الختم مرة فلا یترک لکسل القوم کذا في الکافي 

(الفتاوی الھندیة، ۱: ۱۱۷،: المطبعة الکبری الأمیریة، بولاق، مصر)
،والختم في التراویح مرة واحدة سنة 
( الفتاوی الخانیة علی ھامش الفتاوی الھندیة، ۱: ۲۳۷، المطبعة الکبری الأمیریة، بولاق، مصر)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
١١/٣/٢٠٢٢