(سوال نمبر 4242)
جھوٹی قسمیں کھانے والے امام کے پیچھے نماز پڑھنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمۃ اللہ وبرکاتہ
کیا فرماتے ہیں علماۓ کرام اس مسلہ کے بارے میں کہ اگر زید امام ہے اور جھوٹی قسمیں کھاتا ہے کیا زید کے پیچھے جماعت ہو جاۓ گی
بینوا وتوجرو
سائل:- محمد عبداللہ کامونکی پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
جھوٹی قَسم کَھانا گناہِ کبیرہ ہے
رسولِ بے مثال بی بی آمِنہ کے لال صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عالیشان ہے اللہ عَزَّ وَجَلَّ کے ساتھ شرک کرنا والِدَین کی نافرمانی کرنا کسی جان کوقَتل کرنا اورجُھوٹی قسم کھانا کبیرہ گناہ ہیں(بُخاری ج٤ ص ۲۹۵ حدیث ۶۶۷۵)
جھوٹی قسمیں کھانا گناہ کبیرہ ہے اگر امام صاحب سے اس کا صدور ہوجائے تو ان کو متنبہ کردیا جائے تاکہ آئندہ اس سے پرہیز کریں سنی سنائی باتوں کی بنیاد کسی پر جھوٹ کا الزام لگانا شرعاً انتہائی سخت گناہ اور حرام ہے احادیث نبویہ میں اس کے بارے میں سخت وعیدیں آئی ہیں
حدیث میں ہے
مسلمان کے لیے یہ روا نہیں کہ وہ لعن طعن کرنے والا ہو ایک اور حدیث میں ہے جو شخص کسی دوسرے کو فسق کا طعنہ دے یا کافر کہے اور وہ کافر نہ ہو تو اس کا فسق اور کفر کہنے والے پر لوٹتا ہے۔
مذکورہ صورت میں
اگر تو سنی سنائی باتوں کی بنیاد پرامام مسجد کو جھوٹ کا مرتکب سمجھتے ہیں تو بلاشبہ بغیر ثبوت کسی کے بارے میں منفی رائے قائم کرنا جائز نہیں اگر وہ وہ واقعۃ جھوٹی قسم کے مرتکب ہوئے ہوں مگر تائب ہوگئے ہوں تو پھر بھی ان کے پیچھے نماز جائز ہا اور اگر ان کی عادت ہی جھوٹ کی ہوتو پھرایسے امام کے پیچھے نماز پڑھنا مکروہ تحریمی ہے
مشکوٰۃ المصابیح میں ہے وعن أبي هريرة أن رسول الله صلى الله عليه وسلم قال لا ينبغي لصديق أن يكون لعانا قال رسول الله صلى الله عليه وسلم: لا يرمي رجل رجلا بالفسوق ولا يرميه بالكفر إلا ارتدت عليه إن لم يكن صاحبه كذلك
(کتاب الآداب، باب حفظ اللسان، ص:411، ج:2، ط:قدیمی)
حاشیۃ طحطاوی میں ہے
كره إمامة الفاسق العالم لعدم اهتمامه بالدين فتجب إهانته شرعا فلا يعظم بتقديمه للإمامة وإذا تعذر منعه ينتقل عنه إلى غير مسجده للجمعة وغيرها وإن لم يقم الجمعة إلا هو تصلى معه(کتاب الصلاۃ، فصل فی بیان الأحق بالإمامة، ص:303، 304، ط:دار الکتب العلمیة)
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
30_08/2023
