ایک امام اور ایک مقتدی جماعت کے ساتھ نماز پڑھ رہیں ہوں اور قاعدہ اخیرہ میں ہوں تو آنے والا جماعت میں کیسے شامل ہوگا؟

 (سوال نمبر 2015)
ایک امام اور ایک مقتدی جماعت کے ساتھ نماز پڑھ رہیں ہوں اور قاعدہ اخیرہ میں ہوں تو آنے والا جماعت میں کیسے شامل ہوگا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمۃاللہ تعالیٰ وبرکاتہ
کیا فرماتے ہیں مفتیان کرام مسلئےذیل میں کہ امام صاحب ایک مقتدی کے ساتھ نماز پڑھ رہے تھے جماعت قعدہ آخیرہ میں تھی
نیا آنے والا مقتدی امام کے بائیں جانب بیٹھے یا امام کے پیچھے یا مقتدی کے بازو میں
شریعت مطہرہ کی روشنی میں جواب عنایت فرمائیں نوازش ہوگی
المستفتی:- محمد زاہد رضا بہرائچ شریف یوپی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الأمين 
وعليكم السلام ورحمة الله وبركاته 
الجواب باسمہ تعالی عزوجل 
مذکورہ صورت میں آنے والا حالت قیام میں تکبیر تحریمہ کے ساتھ نیت کرکے امام کے بائیں جانب قعدہ اخیرہ میں بیٹھ جائے اور امام کے سلام کے بعد اپنی نماز مکمل کریں ۔ 
یاد رہے کہ امام کے برابر دومقتدیوں کاہونا صرف خلاف اولی ہےاور اگر پہلے سے دوہیں تو یہ امام  کے پیچھے شامل ہو گا،امام کےبرابر نہیں بیٹھے گا  کہ امام کے برابر تین مقتدیوں کاہونا مکروہ تحریمی ہے۔۔
جیسا کہ دارالافتاء اہل سنت نے لکھا ہے 
ایسی صورت میں کہ جب وہ قعدہ  اخیرہ میں ہیں کہ نہ امام آگے بڑھ سکے اور نہ مقتدی پیچھے آسکے تواس صورت میں  امام کے ساتھ اگرایک ہی مقتدی ہو تو دوسرا آنے والا امام کے بائیں ہاتھ پربیٹھ جائے کہ امام کے برابر دو مقتدیوں کا ہونا صرف خلاف اولی ہےاور اگر پہلے سے دوہیں تو یہ  امام  کے پیچھے شامل ہو گا،امام کے برابر  نہیں بیٹھے گا  کہ امام کے برابر تین مقتدیوں کا ہونا مکروہ تحریمی ہے۔۔
(فتوی نمبر WAT-72تاریخ اجراء:07 صفر المظفر 1443ھ/15ستمبر2021 دارالافتاء اہلسنت (دعوت اسلامی)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال

27/2/2022