عصر نماز کے بعد نوافل پڑھنا کیسا ہے؟

 (سوال نمبر 2096)
عصر نماز کے بعد نوافل پڑھنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمتہ اللہ و برکاتہ 
کیا فرماتے ہیں علماء کرام و مفتیان شرع متین اس مسئلہ کے متعلق کہ 
عصر کے بعد نوافل پڑھنا کیسا ہے؟شرعی راہنمائی فرما دیں 
جزاک اللہ خیرا:
سائلہ:- نمرہ شہر صادق آباد 
.....................................
نحمده و نصلي على رسوله الأمين 
وعليكم السلام ورحمة الله وبركاته 
الجواب بعونه تعالى عز وجل 
عصر نماز کے بعد نوافل پڑھنا جائز نہیں ہے ۔
حدیث پاک میں ہے 
 بُخاری و مُسلِم میں ابو سعید خدری رضی ﷲ تعالیٰ عنہ سے مروی کہ فرماتے ہیں صلی اﷲ تعالیٰ علیہ وسلم: بعد صبح نماز نہیں تا وقتیکہ آفتاب بلند نہ ہو جائے اور عصر کے بعد نما زنہیں یہاں تک کہ غروب ہو جائے۔(بہار ح ٣ ص ٤٥١مكتبة المدينة)
مصنف بہار شریعت رحمت اللہ علیہ فرماتے ہیں 
 فجر و عصر کے بعد اختیار ہے جس قدر اذکار و اوراد و ادعیہ پڑھنا چاہے پڑھے، مگر مقتدی اگر امام کے ساتھ مشغول بہ دُعا ہوں  اور ختم کے منتظر ہوں تو امام اس قدر طویل دُعا نہ کرے کہ گھبرا جائیں ( ٣/٥٤١ المرجع السابق)
آگے فرماتے ہیں کہ 
کہ عصر کے بعد نفل جائز نہیں (بهار ح ٤ ص ٧٠١مكتبة المدينة )
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
19/3/2022