مصافحہ کرنے کے بعد ہاتھ سینے پر لگانا کیسا ہے؟

 (سوال نمبر ١٥٥)

مصافحہ کرنے کے بعد ہاتھ سینے پر لگانا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ۔
بعدہ سلام علمائے کرام و مفتیان عظام کی بارگاہ میں عرض گزار ہوں کہ مصافحہ کرنے کے بعد ہاتھ سینے پر لگانا کیسا ہے۔مدلل جواب عنایت فرمایں کرم ہوگا

سائل:- نسیم احمد اویسی سلطانپور یوپی۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونشكره ونصلي على رسوله الأمين.

وعلیکم السلام ورحمتہ اللہ وبرکاتہ

الجواب بعونہ تعالیٰ عز وجل.

صورت مستفسره  میں سلام کرنے کے بعد مصافحہ اور معانقہ کرنا سنت ہے اور  مصافحہ کر نے کے بعد ہاتھ سینے پر لگا نا مباح ہے، شرعا کوئی ممانعت نہیں ۔البتہ یہ طریقہ کتب فقہ و حدیث میں نظر نہیں آیا ۔ احادیث و کتب فقہ میں مصافحہ کرنے کے دو طریقے ذکر کئے گئے ہیں ،
جیساکہ حضور صدر الشریعہ بدر الطریقہ علیہ الرحمۃ والرضوان فرماتے ہیں کہ، مصافحہ کا ایک طریقہ وہ ہے جو بخاری شریف وغیرہ میں عبد اللہ بن مسعود رضی اللہ تعالیٰ عنہ سے مروی ہے کہ " حضور اقدس صلی اللہ تعالیٰ علیہ وسلم کا دست مبارک ان کے دونوں ہاتھوں کے درمیان میں تھا " یعنی ہر ایک کا ایک ہاتھ دوسرے کے دونوں ہاتھوں کے درمیان میں ہو -
دوسرا طریقہ جسکو بعض فقہاء نے بیان کیا آور اسکی نسبت بھی وہ کہتے ہیں کہ حدیث سے ثابت ہے وہ یہ کہ ہر ایک اپنا داہنا ہاتھ دوسرے کے داہنے سے اور بایاں بائیں سے ملائے اور انگوٹھے کو دبائے کہ انگوٹھے میں ایک رگ ہے کہ اسکے پکڑنے سے محبت پیدا ہوتی ہے ۔
(بہار شریعت ح: 16/ ص:471/ مصافحہ و معانقہ و بوسہ و قیام کا بیان   مجلس المدینۃ العلمیۃ دعوت اسلامی۔۔)
حدیث پاک میں ہے
عَنْ الْبَرَاءِ بْنِ عَازِبٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَا مِنْ مُسْلِمَيْنِ يَلْتَقِيَانِ فَيَتَصَافَحَانِ إِلَّا غُفِرَ لَهُمَا قَبْلَ أَنْ يَفْتَرِقَا۔
براء بن عازب رضی اللہ عنہما کہتے ہیں کہ رسول اللہ ﷺ نے فرمایا:'جب دومسلمان آپس میں ایک دوسرے سے ملتے اور (سلام) ومصافحہ کرتے ہیں تو ان دونوں کے ایک دوسرے سے علیحدہ اور جداہونے سے پہلے انہیں بخش دیاجاتا ہے۔ (جامع ترمزی حدیث نمبر ٢٧٢٧المكتبة الشاملة )
کما فی الدر المختار
وهي إلصاق صفحة الكف بالكف وإقبال الوجه بالوجه فأخذ الأصابع ليس بمصافحة خلافا للروافض، والسنة أن تكون بكلتا يديه، وبغير حائل من ثوب أو غيره وعند اللقاء بعد السلام وأن يأخذ الإبهام، فإن فيه عرقا ينبت المحبة كذا جاء في الحديث ذكره القهستاني وغيره ۔(الدر المختار وحاشية ابن عابدين (رد المحتار) - 3824/4257)

واللہ ورسولہ اعلم بالصواب ،

كتبہ:- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی،لہان ١٨،خادم البرقي دار الإفتاء سني شرعي بورڈ آف نیپال ۔
الجمعة ٩ أكتوبر ٢٠٢٠ء /٢٢صفر، ١٤٤٢ھ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصدقين مفتيان عظام و علماء كرام، أركان سنی شرعی بورڈ آف نیپال ۔
(١) قاضی نیپال مفتی اعظم نیپال حضرت علامہ مفتی عثمان البرکاتی المصباحی صاحب قبلہ ۔
(٢) مفتی ابو العطر محمد عبد السلام امجدی برکاتی صاحب ۔
(٣) مورخ نیپال مفتی محمد رضا قادری مصباحی مدرس الجامعہ الاشرفیہ مبارک پور یوپی انڈیا ۔
(٤) مفتی محمد  احمد رضا الثقافی صاحب ،
(٥) رئیس التحریر مولانا  محمد شہاب الدین حنفی صاحب ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زیر سرپرستی قاضی نیپال مفتی اعظم نیپال مفتی محمد عثمان برکاتی مصباحی صاحب قبلہ جنکپور ۔۔
المشتسہر، سنی شرعی بورڈ آف نیپال ۔۔۔۔۔۔
الجمعة ٩ أكتوبر ٢٠٢٠ء /٢٢صفر،