(سوال نمبر 4015)
الفاظ طلاق بیوی کو ڈرانے کے لیے استعمال کرنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ۔
حضور مفتی صاحب قبلہ آپکی بارگاہ میں ایک سوال ہے کہ کیا عورت اگر اپنے شوہر کی بات کو نہیں مانتی ہے بد چلن چلتی ہے تو کیا ایسی صورت میں شوہر اپنی بیوی کو ڈرانے کی وجہ سے یہ جملہ استعمال کرسکتے ہیں کہ میں تمہیں طلاق دے دونگا اگر تم بد چلن چلو گی تو ایک عالم دین اپنی بیان کی دوران یہ کہہ رہا ہے کہ اگر عورت بعد چلن چلتی ہے شوہر کی بات کو نہیں مانتی ہے تو ایسی صورت میں شوہر کو حق ہے کہ اپنی بیوی کو ڈرانے کی صورت میں یہ جملہ استمعال کرسکتے ہیں تو کیا یہ صحیح ہے۔ قرآن وحدیث کی روشنی میں مدلل و مفصل جواب دیں کر شکریہ کا موقع دیں۔
سائل:-فقیر محمد حیدر پرواز رضوی کشن گنج بہار انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمة الله وبركاته
الجواب بعونہ تعالیٰ عزوجل
بصحت سوال مذکورہ جملہ کہنے میں شرعا کوئی حرج نہیں ہے ۔
پر الفاظ طلاق نہ کہا جائے نصیحت کی جایے حقوق شوہر بتائی جایے ۔
چونکہ ہنسی مذاق اور ڈرانے کے لیے بھی طلاق دینے سے طلاق واقع ہوجاتی ہے اس لئے الفاظ طلاق سے گریز کیا جائے ۔ کیوں کہ صریح الفاظ طلاق میں کسی اور نیت کا اعتبار نہیں ہوتا، اگر طلاق کا لفظ تین مرتبہ کہ دے اور بیوی مدخولہ ہے تو اس کی بیوی پر تینوں طلاقیں واقع ہوجاتی ہے ۔(کتب فقہ عامہ)
واللہ و رسولہ اعلم بالصوب
کتبہ:- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال
11/07/2023
