سوال نمبر ١٦١)
ٹوٹے ہوئے ڈاڑھی کے بال کو کیا کیا جائے ؟
:----------------
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ ڈاڑھی کے بال جو اکثر کنگھی کرنے پر یا وضو بنانے کے وقت ٹوٹ جاتے ہیں اسکے بارے میں کیا حکم ہے؟
بعض کا کہنا ہے کہ اسکو چوم کر پھینک دیا جائے اور بعض کا کہنا ہےکہ دو ٹکڑے کر کے پھینک دیا جائے حقیقت کیا ہے؟
دلائل و برہان کے ذریعہ جواب عنایت فرمائیں مہربانی ہوگی
سائل:- محمد نعیم الدین سرها نیپال۔
:----------------
نحمده ونشكره ونصلي على رسوله الأمين.
وعلیکم السلام ورحمتہ اللہ وبرکاتہ
الجواب بعونہ تعالیٰ عزوجل
صورت مستفسره میں
ڈاڑھی معظم شیئ ہے اور شعار اسلام سے ہے کتب حدیث میں آقا علیہ السلام سے مداومت ثابت ہے کہ آقا علیہ السلام نے ہمیشہ ڈاڑھی مبارک رکھی اور اسی پر جمیع صحابہ کرام رضی اللہ عنہم اجمعین کا عمل رہا اور اسی طرح تابعین و تبع تابعین کا عمل رہا اور آج تک بزرگان دین و علماء متین کا عمل ہے ۔چونکہ انسانوں کے جسم میں ڈاڑھی کا اپنا ایک مقام ہے اور شعار اسلام سے ہے اس لئے صد قابل احترام ہے اس لئے ریش مبارک ٹوٹنے پر یا چہرے کا خط بنوانے پر ان کا حکم یہ ہے کہ زمین میں دفن کردیا جائے گندگی وغیرہ میں نہ پھینکیں کہ گندگی میں ڈالنا مکروہ تنزیہی ہے، اگر ٹوٹ کر گرجائے اور جمع کرنے میں آسانی نہ ہو تو پھینک دینے میں حرج نہیں ۔
اسے چوم کر یا دو ٹکڑے کر کے پھینکنا شرعا ثابت نہیں ۔
یونہی ناخن یا بال دانت سے کاٹنا مکروہ ہے ۔
جیسا کہ فتاوی شامی میں ہے
(قوله ويستحب قلم أظافيره) وقلمها بالأسنان مكروه يورث البرص، فإذا قلم أظفاره أو جز شعره ينبغي أن يدفنه فإن رمى به فلا بأس وإن ألقاه في الكنيف أو في المغتسل كره لأنه يورث داء خانية.
(الدر المختار وحاشية ابن عابدين (رد المحتار) - 3847/4257)
فإذا قلم أظفاره أو جزّ شعره ینبغي أن یدفن ذلك الظفر والشعر المجزوز، فإن رمی به فلا بأس، وإن ألقاه في الکنیف أو في المغتسل یکره ذلك؛ لأن ذلك یورث داء، کذا في فتاوی قاضي خان۔
(الفتاوی الهندية، کتاب الکراهية، الباب التاسع عشر في الحنان والخصآء وقلم الأظفار ...الخ)
واللہ و رسولہ اعلم بالصواب۔
کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨:
خادم البرقي دارالإفتاء. سني شرعي بورڈ آف نیپال ۔
الجمعة ،أكتوبر ٢٠٢٠ء۔٢٩، صفر ١٤٤٢ھ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ مصدقين مفتيان عظام و علماء كرام، أركان سني شرعي بور ڈ آف نیپال۔
(١) قاضی نیپال مفتی اعظم نیپال حضرت علامہ مفتی محمد عثمان برکاتی مصباحی جنکپور ۔
(٢) مفتي ابو العطر محمد عبد السلام امجدی برکاتی صاحب ۔
(٣) مفتي محمد عابد حسين افلاك المصباحي صاحب
(٤) مفتی کلام الدین نعمانی مصباحی صاحب
(٥) حضرت مولانا محمد شہاب الدین حنفی صاحب ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زیر سرپرستی قاضی نیپال مفتی اعظم نیپال مفتی محمد عثمان برکاتی مصباحی صاحب قبلہ جنکپور ۔۔
المشتسہر، سنی شرعی بورڈ آف نیپال۔
الجمعة، ١٦، أكتوبر ٢٠٢٠ء /٢٧،صفر، ١٤٤٢ھ
