(سوال نمبر 4074)
قبر کے پاؤں والی سائڈ پر ہاتھ لگاکر چومنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمۃ اللہ وبرکاتہ
کیا فرماتے ہیں علماء کرام اس مسئلہ کے بارے میں
بعض لوگ قبرستان جاتے ہیں تو قبر کے پاؤں والی سائڈ پر ہاتھ لگاکر انھیں چومتے ہیں ، جیسے ہندو آشر واد لیتے ہیں پاؤں کو ہاتھ لگاکر پھر پیشانی کو لگاتے وغیرہ وغیرہ
ان کا ایسا کرنا کیسا ؟ اگر کوئی وعید ہے وہ بھی سینڈ فرمادیں
سائل:- کامران گجرات انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمة الله وبركاته
الجواب بعونہ تعالیٰ عزوجل
یہ سب جہالت ہے پتا ہے میت زمین کے نیچے یے پھر عام قبر کو ہاتھ لگا کر چومنا یہ یہ صاحب قبر کی بے ادبی ہے اس سے نہ چومنے والے کو کوئی فائدہ ہے نہ صاحب قبر کو ۔جب علماء فقہ مزارات اولیاء کے قبروں کو چومنے سے منع کرتے ہیں پھر عام قبر کو مروجہ طور پر چومنا کیوں کر رواں ہوگا ۔
فتاوی رضویہ میں ہے
فی الواقع بوسہ قبر میں علماء مختلف ہیں اور تحقیق یہ ہے کہ وہ (بوسہ) ایک امر ہے جو دو چیزوں داعی (بوسہ کی طرف دعوت دینے والے امر) و مانع (بوسہ سے روکنے والے امر) کے درمیان دائر (منحصر ہے)، داعی محبت ہے اور مانع ادب تو جسے غلبہ محبت ہو اس پر مواخذہ (پکڑ) نہیں کہ اکابِر صحابہ رضی اللہ تعالی عنہم سے ثابت ہے اور عوام کیلئے منع اَحْوَطْ (یعنی زیادہ احتیاط والی بات) ہے، علماء تصریح فرماتے ہیں کہ مزارِ اکابر سے کم از کم چار ہاتھ (یعنی دو گز) کے فاصلے سے کھڑا ہو پھر تقبیل کی کیا سبیل (یعنی بوسہ لینے کی کیا راہ) (فتاوی رضویہ ج 1 ص 528 رضا فاؤنڈیشن لاہور)
والله ورسوله اعلم بالصواب
کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال۔17/07/2023
