موبائل سے فاتحہ پڑھنا کیسا ہے؟

موبائل سے فاتحہ پڑھنا کیسا ہے؟

:-------------------------:

السلام علیکم ورحمۃ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ کیا موبائل سے فاتحہ کر سکتے ہیں قرآن وحدیث کی روشنی میں جواب عنایت فرمائیے  بڑی مہربانی ہوگی
سائل:- محمد مزمل حسین۔کشن گنج، بہار، انڈیا۔

:-------------------------:

 وعلیکم السلام ورحمتہ اللہ وبرکاتہ

 الجواب بعون الملک الوھاب:

اولا یہ معلوم ہو کہ فاتحہ نہ فرض ہے نہ واجب بلکہ مستحب امر ہے دوسری بات یہ کہ فاتحہ کا مقصد ہے ایصال ثواب ہے تو اس کے لئے اتنا پریشان ہونا ضروری نہیں ہے کہ موبائل پر فاتحہ کروایا جائے، بلکہ بزرگان دین کا جو طریقہ ہو اس کو اختیار کیا جائے نہ کہ شریعت کو کھلونا بنایا جائے، آج موبائل سے فاتحہ کروائیں، کل قربانی، پرسوں عقیقہ، پھر دین کھلونا بن کر رہ جائے گا، اس لئے بہتر ہے کہ گھر کی خواتین ہی فاتحہ پڑھ لیں، ان سے جو کچھ ہوسکے وہی پڑھ لیں، کیونکہ فاتحہ میں چاروں قل سورہ فاتحہ، الم، پڑھنا واجب نہیں بلکہ جو چاہیں پڑھ سکتی ہیں مثلا دوچار سورہ، یہ بھی نہ یاد ہو تو کلمہ، درود، سبحان اللہ، الحمد، سو پچاس بار پڑھ کر دعا مانگ لیں، اس طرح کہ مولی میں نے جو بھی پڑھا ہے اسکا ثواب حضور نبی اکرم صلی اللہ علیہ وسلم کی بارگاہ میں نذر ہے قبول فرما لے! اور حضور علیہ السلام کے صدقے میں جملہ صحابہ کرام اولیاء کرام رضی اللہ عنہم کی بارگاہ میں نذر ہے قبول فرما لے! جملہ مرحومین کی ارواح کو نذر ہے قبول فرمائے بلکہ ایصالِ ثواب کیلئے صرف اتنا کہہ دینا بھی کافی ہے کہ "الہی اس کا ثواب فلاں کو پہنچے" کما جاء فی الحدیث، "ھذہ البئر لام سعد"اس کنویں کا ثواب ام سعد کیلئے ہے. (مشکوۃ)مگر موبائل سے فاتحہ کرنے کا رواج نہ قائم کریں بزرگان دین کا جو طریقہ ہے اسے باقی رکھیں۔ 

  واللہ و رسولہ تعالیٰ اعلم

 کتبہ:- حضرت علامہ مولانا مفتی محمد اعجازالدین رضوی قادری صاحب قبلہ مدظلہ العالیٰ النورانی باندوی یوپی ۔

 رابطہ نمبر 7068057147