مدرسہ کا انورٹر بوقت ضرورت مسجد میں استعمال کرنا کیسا ہے؟

 سوال نمبر ١٦٥)

مدرسہ کا انورٹر بوقت ضرورت مسجد میں استعمال کرنا کیسا ہے؟
:--------------
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ مدرسے کے انورٹر کا ضرورت کے تحت مسجد میں استعمال کرنے کی اجازت ہے یا نہیں ؟
سائل:- محمد راحت انجم۔
:------------
نحمده ونشكره ونصلي على رسوله الأمين

وعلیکم السلام ورحمتہ اللہ وبرکاتہ

الجواب بعونہ تعالیٰ عزوجل
صورت مسئولہ میں
وقف کے ضابطوں میں سے ایک ضابطہ یہ ہے کہ وقف شدہ چیز کو واقف  کی شرط کے مطابق استعمال کیا جائے،  واقف کی شرط کی خلاف ورزی ہرگز نہ کی جائے، چنانچہ اگر کسی نے انواٹر کو مدرسہ میں استعمال کے لئے مختص کیا ہو تو مسجد میں استعمال کرنا جائز نہیں
البتہ واقف نے یہ کہا ہو کہ کہیں بھی دینی کام میں استعمال کر سکتےہیں تو مسجد میں استعمال کرنے میں حرج نہیں..
جیسا کہ البحر الرائق شرح كنز الدقائق میں ہے  ۔۔
لايجوز لمتولي صرف أحد الوقفين للآخر".  ( البحر الرائق ۔کتاب الوقف )
چونکہ مدرسہ  میں وقف شدہ اشیاء ملکِ خدا ہے، اس میں بیع، ہبہ یا کوئی دوسرا تصرف جو اس نوع کا ہو مثلاً تبادلہ،یا ذاتی استعمال،تو یہ شرعاً جائز نہیں ہے۔
جیسا کہ در مختار میں ہے
(الوقف) ہو حبسہا علی حکم ملک اللہ تعالیٰ وصرف منفعتہا علی من أحبّ (درمختار) وفي رد المحتار: قدر لفظ حکم لیفید أن المراد أنہ لم یبق علی ملک الواقف ولا انتقل إلی ملک غیرہ، بل صار علی حکم ملک اللہ تعالی الذی لا ملک فیہ لأحد سواہ․ (الدر المختار وحاشية ابن عابدين (رد المحتار) - 2469/ص4257)
فإذا تمّ ولزم لا یُمٴلَکُ ولا یُمَلَّکُ ولا یعار ولا یُرہَن
(الدر المختار وحاشية ابن عابدين (رد المحتار) - 2483/4257)

واللہ و رسولہ اعلم بالصواب۔

کتبہ:- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨:
خادم البرقي دار الإفتاء. سني شرعي بورڈ آف نیپال ۔
٢٠ أكتوبر ٢٠٢٠ء۔٢ ربيع الأول  ١٤٤٢ھ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مصدقين مفتيان عظام و علماء كرام، أركان سني شرعي بور ڈ آف نیپال۔
(١) قاضی نیپال مفتی اعظم نیپال حضرت علامه  مفتی محمد عثمان برکاتی مصباحی جنکپور ۔
(٢) مفتي ابو العطر محمد عبد السلام امجدی برکاتی صاحب ۔
(٣) مفتي محمد احمد رضا ثقافتی صاحب
(٤) مفتي محمد عابد حسين افلاك المصباحي صاحب ۔
(٥) مفتی کلام الدین نعمانی مصباحی  صاحب
(٦)  حضرت مولانا محمد شہاب الدین حنفی صاحب ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
زیر سرپرستی قاضی نیپال مفتی اعظم نیپال مفتی محمد عثمان برکاتی مصباحی صاحب قبلہ جنکپور ۔۔
المشتسہر، سنی شرعی بورڈ آف نیپال ۔
٢٠ ،أكتوبر ٢٠٢٠ء /
٢ربيع الأول ، ١٤٤٢ھ