کیا قضا یا تنہا نماز کے لئے اقامت کہنا ضروری ہے ؟

(سوال ١٤٤)

کیا قضا یا تنہا نماز کے لئے اقامت کہنا ضروری ہے ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام ورحمتہ اللہ وبرکاتہ
علمائے کرام کی بارگاہ عرض یہ کرنا ہے کی قضا نماز، یا تنہا نماز پڑھیں تو کیا اقامت کہنا ضروری ہے ؟ اور یہ بھی بتادیں اقامت کس لئے کہا جاتاہے۔؟ جواب دیکر شکریہ کا موقع دیں
سائل:- غلام مرتضی رہتاس ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده ونشكره ونصلي على رسوله الأمين.

وعلیکم السلام ورحمتہ اللہ وبرکاتہ

الجواب بعونه تعالى عز وجل

 
صورت مستفسره میں
تنہا یا قضا نماز ادا کرنے میں اقامت کہنا ضروری نہیں ہے اور انفرادی فرض نماز  میں اقامت چھوڑدی تو اس سے گناہ نہیں ہوگا، البتہ خلافِ اولیٰ ہوگا۔  اقامت جماعت قائم کرنے کے لئے ہے ۔
کما فی الفتاوى الهندية البرقیة
"ويكره أداء المكتوبة بالجماعة في المسجد بغير أذان وإقامة. كذا في فتاوى قاضي خان ولا يكره تركهما لمن يصلي في المصر إذا وجد في المحلة ولا فرق بين الواحد والجماعة. هكذا في التبيين والأفضل أن يصلي بالأذان والإقامة كذا في التمرتاشي وإذا لم يؤذن في تلك المحلة يكره له تركهما ولو ترك الأذان وحده لا يكره كذا في المحيط ولو ترك الإقامة يكره. كذا في التمرتاشي". العناية شرح الهداية (1/ 253):
"(ولا يؤذن لصلاة قبل دخول وقتها ويعاد في الوقت) لأن الأذان للإعلام وقبل الوقت تجهيل۔
قضا نماز مسجد میں پڑھے تو اذان نہ کہے، اگر کوئی شخص شہرمیں گھر میں نماز پڑھے اور اذان نہ کہے تو کراہت نہیں ،البتہ اقامت کہ لے،  کہ وہاں کی مسجد کی اذان اس کے ليے کافی ہے۔ اور کہہ لینا مستحب ہے۔ گاؤں میں مسجد ہے کہ اس میں اذان و اقامت ہوتی ہے، تو وہاں گھر میں نماز پڑھنے والے کا وہی حکم ہے، جو شہر میں ہے اور مسجد نہ ہو تو اذان و اقامت میں اس کا حکم مسافر کا سا ہے۔ یعنی اذان و اقامت کہیں ۔ اگر بيرون شہر و قریہ باغ یا کھیتی وغیرہ میں ہے اور وہ جگہ قریب ہے تو گاؤں یا شہر کی اذان کفایت کرتی ہے، پھر بھی اذان کہہ لینا بہتر ہے اور جو قریب نہ ہو تو کافی نہیں ،قریب کی حد یہ ہے کہ یہاں کی اذان کی آواز وہاں تک پہنچتی ہو۔ بیٹھ کر اذان کہنا مکروہ ہے، اگر کہی اعادہ کرے، مگر مسافر اگر سواری پر اذان کہہ لے، تو مکروہ نہیں اور اقامت مسافر بھی اتر کر کہے، اگر نہ اترا اور سواری ہی پر کہہ لی، تو ہو جائے گی۔ ( بہار شريعت ٣/٣٦ دعوت اسلامی)
سنن الأذان والإقامة سنة مؤكدة للفرائض ولو منفردا أداء أو قضاء سفر أو حضرا للرجال۔(باب الأذان حكم الأذان والإقامة،الایضاح، البرقیہ )

والله ورسوله أعلم بالصواب۔

کتبہ:- حضرت علامہ مولانا مفتی محمد مجيب القادری صاحب قبلہ مدظلہ العالیٰ النورانی لهان ١٨ خادم،  البرقي دار الإفتاء سني شرعي بورڈ آف نیپال ۔
249/2020