(سوال نمبر 4023)
کیا داڑھی منڈے کی خود کی نماز ہوتی ہے یا نہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعلیکم السلام ورحمتہ اللہ وبرکاتہ
الجواب بعونہ تعالیٰ عزوجل
مطلق داڑھی رکھنا واجب ہے اس لئے داڑھی مونڈوانے پر گناہ ہے مگر داڑھی کا ہونا واجبات نماز یا سنن نماز سے نہیں اس لئے داڑھی منڈے کی خود کی نماز ہوجائے گی پر داڑھی نہ رکھنے کا گناہ ملے گا ۔
جس طرح ترتیب قرات واجب ہے مگر واجبات نماز سے نہیں ہے اس لئے سہوا خلاف ترتیب قرات سے سجدہ سہو واجب نہیں ۔نہ گناہ ہے نہ سجدہ سہو ۔
اور عمدا پر گناہ ہے ۔
بہار شریعت میں ہے
قرآن مجید اُلٹا پڑھنا کہ دوسری رکعت میں پہلی والی سے اوپر کی سورت پڑھے، یہ مکروہ تحریمی ہے، مثلاً پہلی میں قُلْ يٰۤاَيُّهَا الْكٰفِرُوْنَۙ۰۰۱ پڑھی اور دوسری میں اَلَمْ تَرَ كَیفَ= اس کے لیے سخت وعید آئی ہے عبدﷲ بن مسعود رضی ﷲ تعالیٰ عنہ فرماتے ہیں جو قرآن اُلٹ کر پڑھتا ہے، کیا خوف نہیں کرتا کہ ﷲ اس کا دل اُلٹ دے. اور بھول کر ہو تو نہ گناہ نہ سجدۂ سہو۔ (بہارشریعت ح 3-ص 549)
والله ورسوله اعلم بالصواب
کتبہ:- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال
12/07/2023
