حضور صلی اللہ علیہ وسلم کب دنیا سے پردہ فرمایا تھا؟
:----------------
السلام علیکم ورحمۃ اللہ تعالی وبرکاتہ
کیا فرماتےہیں ہیں علماء دین و مفتیان شرع متین اس مسئلہ میں کہ حضور صلی اللہ علیہ وسلم نے دنیا سے کب پردہ فرمایا تھا کس دن کس مہینے میں؟
المستفتیہ : سیدہ خضراء عطاریہ بریلی شریف یوپی انڈیا.
::-------------------
السلام علیکم ورحمۃ اللہ تعالی وبرکاتہ
کیا فرماتےہیں ہیں علماء دین و مفتیان شرع متین اس مسئلہ میں کہ حضور صلی اللہ علیہ وسلم نے دنیا سے کب پردہ فرمایا تھا کس دن کس مہینے میں؟
المستفتیہ : سیدہ خضراء عطاریہ بریلی شریف یوپی انڈیا.
::-------------------
وعلیکم السلام ورحمتہ اللہ وبرکاتہ
بسم اللہ الرحمن الرحیم
الجواب اللھم ھدایۃ الحق الصواب :
حضور صلی اللہ علیہ وسلم کے وصال پرملال کی تاریخ میں اختلاف ہے۔ مشہور قول یہی ہے کہ آپ صلی اللہ تعالیٰ علیہ وسلم کا وصال بارہ ربیع الاول کو ہوا ، لیکن تحقیق اعلی حضرت رضی اللہ تعالی عنہ یہ ہے کہ وصال پرملال 13ربیع الاول11ھجری بروز پیر بمطابق 8 جون 632عیسوی کو ہوا کیونکہ یہ تو بالاجماع ثابت ہے کہ وفات مبارکہ پیر کے دن ہوئی اور یہ بھی ثابت ہے کہ دس ذوالحجہ کو جمعۃ المبارکہ تھا، اب اگر حساب کیا جائے ، تو بارہ ربیع الاول کسی بھی اعتبار سے پیر کو نہیں بنتی ، سیدی اعلی حضرت مجدد دين وملت امام احمد رضا خان رضی اللہ تعالیٰ عنہ تحریر فرماتے ہیں : "تحقیق یہ ہے کہ حقیقتاً بحسب رویت مکہ معظمہ ربیع الاول شریف کی تیرہویں تھی مدینہ طیبہ میں رویت نہ ہوئی لہذا ان کے حساب سے بارہویں ٹھہری وہی رواۃ نے اپنے حساب کی بنا پر روایت کی اور مشہورو مقبول جمہورا ہوئی یہ حاصل تحقیق امام بارزی و امام عمادالدین بن کثیر و امام بدر الدين بن جماعہ وغیرھم اکابر محدثین و محقیقین ہے"
(فتاوی رضویہ مترجم ج : 26 ص :417)
تفصیل کے لئے دیکھئے فتاوی رضویہ مترجم ج : 26 ص : 415--427 رضا فاونڈیشن لاہور
واللہ و رسولہ اعلم بالصواب۔
کتبہ : گدائے حضور رئیس ملت حضرت علامہ مولانا مفتی محمد عرف صدام حسين احمد قادری ميراني فيضی صاحب قبلہ مدظلہ العالیٰ النورانی خادم میرانی دارالافتاء
۹ ربیع الاول ١٤٤۲ھ مطابق 27 اکتوبر 2020ء
