ڈاکٹر اقبال کو علامہ کہنا درست ہے یا نہیں؟

 (سوال نمبر 6003)
ڈاکٹر اقبال کو علامہ کہنا درست ہے یا نہیں؟
....................................
السلام علیکم ورحمتہ اللہ وبرکاتہ 
کیا فرماتے ہیں علمائے دین و مفتیان شرع متین مسائل ذیل کے بارے میں کہ ڈاکٹر اقبال کو علامہ کہنا درست ہے یا نہیں مکمل جواب عنایت فرمائیں عین کرم ہوگا 
سائل:-محمد زبیر احمد قادری موجولیا بازار ضلع سیتا مڑھی بہار انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم 
وعليكم السلام ورحمة الله وبركاته 
الجواب بعونه تعالى عزوجل 
ڈاکٹر اقبال کے تعلق سے
شارح بخاری حضرت مفتی شریف الحق امجدی قدس سرہ تحریر فرماتے ہیں کہ ڈاکٹر اقبال کوئی عالم نہیں تھے ایک بہت عظیم شاعر اور ایک اچھے بیرسٹر لیڈر تھے ان کے ہم وطنوں پر ان کا احسان عظیم ہے تحریک پاکستان کے زبردست حامی اور موئد تھے الی آخرہ (تفصیل کے لئے فتاوی شارح بخاری جلد 03 صفحہ نمبر 494 کا مطالعہ کریں )
لہذا مذکورہ باتوں سے واضح ہوا کہ وہ عالم نہیں تھے اس لئے انھیں علامہ کہنا بھی درست نہیں ہے
حضور تاج الشریعہ رضی اللہ تعالی عنہ فرماتے ہیں کہ ڈاکٹر اقبال کو علامہ نہ کہیں لعدم الاستحقاق شرعاً
(فتاوٰی تاج الشریعہ جلد 02 کتاب العقائد صفحہ نمبر 398)
والله ورسوله اعلم بالصواب 
کتبہ:-حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال۔27_07/2023