(سوال نمبر 5290)
کیا گالی دینے سے وضو ٹوٹ جاتا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ و برکاتہ
کیا فرماتے ہیں علمائے دین مفتیان شرع متین اس مسئلہ کے متعلق کہ ایک بندہ مسجد میں گالی دیتا ہے کسی بھی انسان کو تو کیا اس سے اس کے وضو پہ کوئی اثر پڑتا ہے یا وضو برقرار رہتا ہے
سائل:-محمد ندیم رضا قادری پنجاب پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
1/ مسجد میں گالی دینا گناہ ہے مذکورہ شخص توبہ کرے اور ائندہ ایسی قبیح حرکت نہ کرنے کا عزم مصمم بھی ، اور ساتھ ہی جسے گالی دیا ہے اس سے معافی بھی مامگے
2/ گالی وضو نہیں ٹوٹتا ہے
قرآن مجید میں ہے
وَمَن یَظلِم مِنکُم نُذِقہُ عَذَابََاکَبِیرََا
یعنی اور تم میں سے جوظلم کرے ہم اسے بڑا عذاب چکھائیں گے (پارہ ۱۸ ،سورہ فرقان ،آیہ ۱۹ ،ص ۲۰،)
احادیث مبارکہ میں ہے
المسلم اخوالمسلم لایظلمہ ولا یخذلہ
یعنی مسلمان اپنے مسلمان بھائی پر نہ ظلم کرےاور نہ ہی اسے رسوا کرے،،
(المعجم الکبیرللطبرانی ج۲۲ ص۷۴)
اور دوسری حدیث میں ہے
عن ابن مسعود قال قال رسول اللہ ﷺ سِبَابُ المُسلِمِ فُسُوق حضرت ابن مسعود رضی اللہ عنہ نے کہا کہ رسول پاک علیہ التحیۃ والثناء نے فرمایا کہ مسلمان کو گالی دینا فسق وگناہ ہے (صحیح البخاری ج اول کتاب الایمان باب خوف المؤمن الخ ص ۳۰)
کنزالعمال میں ہے
من اذی مسلما فقد اذانی ومن اذانی فقد اذی اللہ
یعنی جس نے کسی مسلمان کو بلا وجہ شرعی ایذادی اس نے مجھے ایذادی اور جس نے مجھے ایذادی اس نے اللہ رب العزت کو ایذادی، (ج ۱۶ ص ۱۰)
ترمذی شریف میں ہے
لیس المؤمن بالطعان ولااللعان ولاالفاحش ولاالبذی
یعنی مسلمان لعن وطعن کرنےوالا،فسق گو اور بیہودہ گو نہیں ہوتا،ج دوم "ص ۱۸ ،
کنزالعمال۔میں ہے
کماتدین تدان
یعنی جیساتو دوسرے کے ساتھ کرےگا ویساہی اللہ رب العزت تیرے ساتھ کرےگا،
(ج ۱۵، ص ۷۷۲،)
فتاوی رضویہ میں ہے
کسی مسلمان کو بلاوجہ شرعی ایذاء دیناحرام ہے۔
(فتاوی رضویہ ج سوم"ص۲۱۷،)
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
30/11/2023
