بارہ ماسہ نعت پڑھنا کیسا ہے؟

(سوال نمبر 4923)
بارہ ماسہ نعت پڑھنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمۃ اللہ وبرکاتہ 
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ بارہ ماسہ پڑھنا کیسا ہے؟  جواب عنایت فرما کر شکریہ' موقع دیں۔
سائل:- محمد سبطین رضا رضوی مظفر پور بہار انڈیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
مطلق بارہ ماسہ جس میں جھوٹے قصے کہانیاں ہوں پڑھنا درست نہیں ہے۔۔
البتہ بارہ ماسہ نعت یا پوربی زبان میں نعت پڑھنا جائز ہے جبکہ کوئ الفاظ نقص کی نہ ہوں۔
چونکہ اقا علیہ السلام کی تعریف و توصیف کسی زبان میں بھی محبت میں پڑھ سکتے ہیں۔
بہار شریعت میں ہے 
علامت محبت یہ ہے کہ شان اقدس میں جو الفاظ استعمال کیے جائیں ادب میں ڈوبے ہوئے ہوں کوئی ایسا لفظ جس میں کم تعظیمی کی بو بھی ہو کبھی زبان پر نہ لائیں اگر حضور کو پکاریں تو نام پاک کے ساتھ ندا نہ کریں کہ یہ جائز نہیں بلکہ یوں کہے یا نبی اللہ یا رسول اللہ 
(بہارشریعت ح ١ص٢١ مطبوعہ قادری کتاب گھر اسلامیہ مارکیٹ بریلی شریف)
مفتی بدرالدین احمد قادری رضوی علیہ الرحمہ فرماتے ہیں کہ سرکار کی مقدس چادر کو چدریا سرکار کے مقدس راستے کو ڈگریا“سرکار کے بابرکت نگر کو نگریا“سرکار کے چہرہ انور کو مکھڑا سرکار کے مقدس آنگن کو انگنوا سرکار کی قدسی نظر کو نظریا اور نجریا سرکار کے مقدس کاشانہ کو بکھریا سرکار کی ذات قدسی کو عربی سنوریا“یا عربی سجنوا -بولنا پڑھنا اور لکھنا تحقیر کی صورت میں کفر اور محبت کی صورت میں کفر نہیں مگر حرام ضرور ہے۔

(مفہوم /مقالہ نورانی مع ردّ تقویةالایمان شاٸع کردہ رضا اکیڈمی ممبٸ ص ٩و١٠)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
08/11/2023