ڈاکٹر اِسرار احمد کی ویڈیوز آڈیوز سننا کیسا ہے؟

(سوال نمبر 4789)
ڈاکٹر اِسرار احمد کی ویڈیوز آڈیوز سننا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمت اللہ وبرکاتہ 
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ  زید یونیورسٹی کا طالبعلم ھے جہاں ایک پروگرام ھوتا ھے جس کا نام تفسیر القران ھے۔۔اس پروگرام میں سارے طلباء و طالبات کو ھال میں لے جایا جاتا ھے اور وہاں بڑے پروجیکٹر سکرین پر ڈاکٹر اِسرار احمد صاحب کی ویڈیوز دکھائی جاتی ہیں ۔۔۔۔
پہلا سوال یہ ھے کہ کیا زید کو جانا چاہئے ؟ دوسرا سوال یہ ہے کہ ڈاکٹر اِسرار احمد صاحب کیسے شخص ھیں کیا ان کی ویڈیوز سن دیکھ سکتے ھیں؟
جزاک اللہ و خیراً کثیرا کثیرا کثیرا۔۔۔
سائل:- محمد عمر عبدالمصطفیٰ از پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم 
وعلیکم السلام ورحمتہ اللہ وبرکاتہ 
الجواب بعونه تعالي عز وجل 
آپ چونکہ طالب علم ہے حتی المقدور نہ جانے کی کوشش کریں اور اگر طلبہ ہونے کے ناطے جانا ہی پڑے تو اس میں کوئی حرج نہیں ہے۔
اہل علم ان کی ویڈیوز یا آڈیوز سن سکتے ہیں کہ جو حق و باطل میں امتیاز کر سکتے ہوں تاکہ سن کر دوسروں کو ان کی غلط افکار و نظریات کو بتائیں۔پر عوام یا کم علم لوگ ان کے صحیح یا قابلِ اشکال افکار کی تمییز نہیں کرسکیں گے اس لیے عوام اور نا پختہ افراد کے لیے ڈاکٹر اور ان کی فکر کے حاملین کے دروس میں شرکت اور لٹریچر سے استفادہ کرنا جائز نہیں ہے  
یاد رہے ڈاکٹر اسرار احمد کے بعض نظریات قرآن حدیث اور اِجماعِ اُمت کے خلاف ہیں
 اس لئے عوام یا دینی علوم سے ناواقف افراد چوں کہ ڈاکٹرکے صحیح اور قابلِ اشکال افکار کے درمیان تمییز و فرق کرنے کی صلاحیت نہیں رکھتے ہیں لہذا عوام اور نا پختہ افراد کے لیے ڈاکٹر اور ان کی فکر کے حاملین افراد کے بیانات سننے ان کے دروس میں شرکت کرنے اور لٹریچر و تفسیر سے استفادہ کرنے سے اجتناب کرنا ضروری ہے
ڈاکٹر اسرار احمد کے عقائد میں سے جو عقائد اہلِ سنت والجماعت کے خلاف ہیں ان میں سے چند یہ ہیں
١/ ڈاکٹر اسرار احمد، اَعمال کی قبولیت کے لیے ایمان کو شرط نہیں مانتے۔
٢/ موصوف کے نزدیک حقیقی ایمان کے دو رکن ہیں تصدیق و یقین اور جہاد۔
٣/ ڈاکٹر کے نزدیک کسی گناہ پر اصرار کرنا ہمیشہ کے لیے جہنمی بنا دیتا ہے۔
٤/ انسان جنت اور جہنم میں ہمیشہ نہیں رہے گا وغیرہ وغیرہ۔
نوٹ : ڈاکٹر اسرار احمد کے بارے میں ہمیں زیادہ معلومات نہیں براہ کرم پاکستانی علماء سے ان کے متعلق دریافت کرلیں۔ 
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
24/10/2023