(سوال نمبر 4595)
معاشرے میں فرقہ واریت کے اسباب کیا ہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللّٰہ وبرکاتہ
کیا فرماتے ہے علمائے کرام و مفتیان عظام اس مسئلہ کے بارے میں کہ معاشرے میں فرقہ واریت کے اسباب کیا ہے؟ برائے کرم تفصیلی جواب عنایت فرمائیں۔
سائل:- ابوالحسن محمد ایاز رضا عطاری حیدرآباد پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
معاشرے میں فرقہ واریت کے کئی اسباب ہیں جن میں بڑا سبب تکبر،عناد ضد اور ہٹ دھرمی ہے دوسرے کے فکر کو غلط کمزور کم تر اور ہیچ خیال کرنا ایسا طرزِ عمل ہے کہ جس کے زہر سے مسلمانوں کے معاشرتی تار و پود بکھر کر رہ جاتے ہیں کسی کے اندر صبر و تحمل کا مادہ نہیں ویسے دیکھا جائے تو فرقہ پرستی اور تعصب پرستی ہر جماعت میں گھس چکی ہے ہمیں چاہیے اختلافی معاملات میں ہرچیز سے بالا تر ہوکر کتاب و سنت پر عمل کریں جب بات ہو اجتماعیت کی تو ہر ایک کو اپنے اپنے عقیدے پر رہنے دیں اور حکومتی سطح پر سب ایک ساتھ ہوجائیں۔
یاد رہے دین سے دوری اور جہالت و بے علمی نے ہمیں اور شدید بنا دیا ہے۔
واضع رہے مذہبی فرقہ واریت بے شمار نقصانات کا سبب بنتی ہے۔ اس سے باہمی منافرت پیدا ہوتی ہے وہیں مذہبی، دینی، معاشی، سیاسی، معاشرتی اور فکری انتشار بھی پیدا ہوتا ہے۔ اس فرقہ واریت کے ہاتھوں سیاسی نقصان تو اظہر من الشمس ہے کہ مسلمانوں کی سیاسی طاقت اور وزن جاتا رہا اور دشمن طاقتیں اس انتشار کے سیاسی استعمال میں کامیاب ہوتی رہیں۔
اللہ تعالیٰ نے سورۃ الانفال میں فرمایا تھا
آپس میں نہ لڑو کہ تم ناکام ہوجاؤگے اور تمہاری ہوا اکھڑ جائے گی۔۔
حاصل کلام یہ ہے ہمیں کامیاب اور جنتی ہونے کے لیئے دوچیزوں کی ضرورت ہے سنت کی پیروی اور جماعت مسلمین کے ساتھ رہنا۔اسی لیئے ہمارے مذہب کا نام اہل سنت والجماعت ہے جماعت سے مراد مسلمانوں کا بڑا گروہ ہے جس میں فقہاء،علماء،صوفیاء اور اولیاء اﷲ ہیں۔ لحمدﷲ !یہ شرف بھی اہلسنت ہی کو حاصل ہےاہل سنت میں حنفی شافعی مالکی حنبلی۔چشتی قادری،نقش بندی،سہروردی ایسے ہی اشاعرہ یا تریدیہ سب داخل ہیں کہ عقائد سب کے ایک ہی ہیں اور ان سب کا شمار ایک ہی فرقہ میں ہے۔۔
بس ہمیں تعصب پرستی سے بالاتر ہوکر امت کی بھلائی اور دیں متین کے لیے کام کرنی چاہیے۔
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
02/09/2023
