کیا مقروض پر قربانی واجب ہے؟

 (سوال نمبر 295)
 کیا مقروض پر قربانی واجب ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ 
کیا فرماتے ہیں مفتیان دین شرع متین اسکے بارےمیں کہ زید قربانی دینا چاہتا ہے اوراسکے اوپر پانچ لاکھ روپیہ قرضہ ہےاور اسکے پاس زمین بھی ہے اور کماتا بھی ہے تو وہ قربانی دے سکتاہے کہ نہین اسمیں شریعت کا کیا حکم ہے جواب عنایت فرمائیں کرم ہوگا 
سائل:- علاءالدین انصاری لہان بیسن پور ضلع سرہا نیپال 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمدہ و نصلی علی رسولہ الامین 

وعلیکم السلام ورحمتہ اللہ وبرکاتہ

الجواب بعونہ تعالیٰ عزوجل 
الجواب باسمہ تعالی عزوجل مسئلہ مسئولہ میں زید پر پانچ لاکھ روپئے کا قرض ہے اگر زید کے پاس اتنا مال ہےکہ اس سے قرض منہا کرنے کے بعد بنیادی ضرورت سے زیادہ کچھ مال ہو جو ساڑھے باون تولہ چاندی کی قیمت کے برابر ہو تو زید پر قربانی واجب ہے اور اگر قرض ادا کر نے کے بعد نصاب سے کم مال بچے پھر زید پر قربانی واجب نہیں ۔
واضح رہے کہ حاجت اصلیہ کے علاوہ کھیت دکان اور دیگر اشیاء سب کی قیمت لگا کر پانچ لاکھ روپئے دے کر پھر ساڑھے باون تولہ چاندی کی قیمت بچ جانے
 آگرچہ فی الحال ایسا نہ کریں تو بھی زید پر قربانی واجب ہے ۔
کما فی الفتاوی الہندیہ 
 ولو كان عليه دين بحيث لو صرف فيه نقص نصابه لا تجب'' ۔

(الفتاوى الهندية 5/ 292)

جیساکہ ۔بدائع الصنائع میں ہے 
ولو كانعليه دين بحيث لو صرف إليه بعض نصابه لا ينقص نصابه لا تجب لأن الدين يمنع وجوب الزكاة فلأن يمنع وجوب الأضحية أولى ؛ لأن الزكاة فرض والأضحية واجبة والفرض فوق الواجب،
(البدائع الصنائع10/254)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال

11/1/2021