(سوال نمبر 4147)
حوس تھی دید کی معراج کا بہانہ تھا یہ شعر پڑھنا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ
حوس تھی دید کی معراج کا بہانہ تھا 👉🏻 یہ قوالی کا شعر ہے سوال ہے کہ اس شعر میں کفر کا فتویٰ لگ سکتا ہے یا نہیں جواب ارشاد فرما دیجیۓ شکریہ
سائل:- محمد ندیم رضا قادری پنجاب پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
کوئی بھی ایسے الفاظ جو رب تعالی کے لئے زیب نہیں وہ بولنا درست نہیں
اللہ پاک کے لئے لفظ ہوس کا استعمال کرنا گستاخی و کفر ہے کہ اس کے معنی اللہ پاک کی شان کے لائق نہیں ہیں
فتاوی شارح بخاری میں ہے
ہوس اصل میں عربی لفظ ہےاس کے اصل معنیٰ ایک قسم کے جنون کے ہیں اور خفت عقل کے ہیں، المنجد میں ہے الھوس (مص) طرف الجنون وخفتہ العقل یقال براسہ ھوس ای دوران اردوی جس کاترجمہ مصباح اللغات میں یوں کیا ہے جنون کی ایک قسم ہے سبکی عقل اور کہاجاتاہے براسہ ھوس اس کے سر میں چکر ہے۔
غیاث اللغات میں اس لفظ کے معنی یوں لکھے ہیں نوعے از جنون دیوانہ شدن بمعنی آرزو شوق چیزے وعشق خام وناقص اردو میں اس کے معنی مذموم خواہش کے ہیں۔ مشہور شعر کا مصرعہ ہے
مذبلہ ہے وہ جہاں حرص و ہوس رہتے ہیں
اور فارسی میں بھی اس معنی میں شیخ سعدی کہتے ہیں:
ہمی با ہوا و ہوس ساختی دمے بامصالح نہ پر داختی
بو الہوس اردو کا مشہور لفظ ہے جو ذم کے لئے مستعمل ہے۔ مشہور شعر ہے
ہر بو الہوس نے حسن پرستی شعار کی اب آبروئے شیوہ اہل نظر گئی
بناءً علیہ یہ کہنا کہ مجھے حج کی ہوس ہے جائز نہیں رہ گیا قوال کا شعر تو کلمہ کفر ہے۔ اللہ عزوجل ہربری چیز سے پاک ہے۔ اس کی طرف ہوس کی نسبت کرنی گستاخی ہے۔ جس نے بھی یہ شعر کہا کہ ہوس دید تھی معراج کا بہانا تھا اس پر اور جس قوال نے اسے گایا اورجن لوگوں نے سن کر پسند کیا اور وہ سب جنھوں نے اس شعر سے استدلال کیا ان سب لوگوں پر توبہ و تجدید ایمان اور بیوی والے ہیں تو تجدید نکاح بھی لازم ہے (فتاویٰ شارح بخاری، ج 1، ص 217، مکتبہ برکات المدینہ)
(ایسا ہی فتاوی اہلسنت میں ہے)
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
23/08/2023
