(سوال نمبر 4037)
شادی میں جوتے چو رائی کی رسم میں رقم لینا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ
شادی میں دولہے کے جوتے چھپانے کی جو رسم ہے کیا یہ جائز ہے اور اسکو لازمی سمجھنا کہ یہ ہرصورت میں جوتے چھپانے کی رقم لازمی لازمی دینی ہےکیا یہ ضروری ہے ۔اور اس طرح جوتے چھپانے کی رقم لینا کیسا۔کیا یہ رشوت کےحکم میں ہے؟
سائل:- محمد اختر عطاری ٹنڈو آدم پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمتہ اللہ وبرکاتہ
الجواب بعونہ تعالیٰ عزوجل
جوتے چورائی کی رسم خالص ہند و انہ رسم ہے شرعا اس کی اجازت نہیں ہے اور اگر جبرا لیا جائے اور نہ دینے میں رشتے میں خرابی ائے پھر جبرا رقم لینا حرام ہے جس طرح جہیز جبرا لینا حرام ہے اسی طرح یہ رقم بھی جبرا لینا حرام ہے یہ رسم ہی از سرے نو جائز نہیں ہے پھر رقم کیوں کر جائز ہوگی ۔
چونکہ چوتا چھپائی کی رسم بیوی کی بہنوں کے ذریعے انجام دی جاتی ہے جس کے ناجائز اور حرام ہونے میں کوئی شک نہیں ہے کہ اس میں غیر محرم عورتوں سے ہنسی مذاق کی نوبت آتی ہے بعض علاقوں میں یہ رسم مردوں یعنی بیوی کے بھائیوں کے ذریعے انجام دی جاتی ہے۔معلوم ہونا چاہیے کہ اس رسم کا تعلق اسلام سے بالکل بھی نہیں ہے، بلکہ یہ ہندوانہ رسم ہے، اور احادیث میں مسلمانوں کو غیرمسلموں کے طور طریق اور رسموں کو اختیار کرنے سے منع کیا گیا ہے لہٰذا مسلمانوں کا اس فضول اور ناجائز رسم سے بچنا ضروری ہے۔ حدیث پاک میں ہے
قال رسول اللّٰہ صلی اللّٰہ علیہ وسلم: لیس منا من تشبہ بغیرنا لا تشبہوا بالیہود ولا بالنصاریٰ۔ (سنن الترمذي : ۲/۹۹)
عن ابن عمر قال قال رسول اﷲﷺ من تشبہ بقوم فھو منھم۔(سنن ابی داؤد ۲۰۳/۲)
عن ابی موسی قال المرأ مع من احب۔ (صحیح ابن حبان : ۲۷۵/۱)
والله ورسوله اعلم بالصواب
*كتبه محمد مجيب قادري لہان 18خادم دار الافتاء البرکاتی علماء فاونڈیشن ضلع سرہا نیپال*
13/07/2023
