شیعہ کا ذبیحہ کھانا کیسا ہے؟

 شیعہ کا ذبیحہ کھانا کیسا ہے؟

السلام علیکم و رحمۃ اللہ وبرکاتہ

کیا فرماتے ہیں علمائے دین اس مسئلہ میں کہ شیعہ کے یہاں کا ذبح کرا کھانا کیسا ہے، اس پر روشنی ڈالیں۔،

وعلیکم السلام ورحمتہ اللہ وبرکاتہ 

الجواب ھو الھادی الی الصواب ۔

شیعہ کے یہاں کا ذبح کیا ہوا کھانا ناجائز مثل مردار ہے،
امام اہلسنت فرماتے ہیں،،
آج کل کے رافضی تبرائی علی العموم کافر مرتد ہیں، شاید ان میں گنتی کے ایسے نکلیں جو اسلام سے کچھ حصہ رکھتے ہوں،ان کا عام عقیدہ یہ ہے کہ یہ قرآن شریف جو بحمداللہ تعالٰی ہمارے ہاتھوں میں موجود ہے یہ نبی صلی الله تعالٰی علیہ وسلم کے بعد پورا نہ رہا،اس میں سے کچھ پارے یا سورتیں یا آیتیں صحابہ کرام اور اہلسنت نے معاذ الله کم کردیں،اور یہ بھی ان کے چھوٹے بڑے سب مانتے ہیں کہ حضرت مولا علی ودیگر ائمہ اطہار کرم الله تعالٰی وجوہہم اگلے انبیائے کرام علیہم الصلوٰت والسلام سے افضل تھے، یہ دونوں عقیدے خالص کفر ہیں جو شخص قرآن مجید سے ایک حرف،ایک نقطہ کی نسبت ادنٰی احتمال کے طور پر کہے کہ شاید کسی نے گٹھادیا یا بڑھادیا یا بدل دیا ہو وہ کافر ہے اور قرآن عظیم کا منکر،  یونہی جو کسی غیر نبی کو کسی نبی سے افضل بتائے وہ بھی کافر، اور جبکہ ان اشقیاء نے باوصف ادعائے اسلام عقائد کفر اختیار کئے تو مرتد ہوئے، فتاوٰی عالمگیری میں ہے:
ھؤلاء القوم خارجون عن ملۃ الاسلام و احکامہم احکام المرتدین ،،
یہ قوم ملت اسلامیہ سے خارج ہے ان کے احکام مرتدین والے ہیں،۔
اور مرتد کے ہاتھ کا ذبیحہ نرا حرام ومردار سوئر کی مانند ہے۔، اگرچہ اس نے لاکھ تکبیریں پڑھ کر ذبح کیا ہو، درمختار میں ہے:
لاتحل ذبیحۃ غیر کتابی من وثنی ومجوسی و مرتد،۔
غیر کتابی کا ذبیحہ حلال نہیں ہے خواہ وہ بت پرست ہو مجوسی ہو یا مرتد ہو۔،،۔
اسی طرح جس مذہب کا عقیدہ حد کفر تک پہنچا ہو، جیسے نیچیری کہ وجود ملائکہ ووجود جن وجود شیطان وجود آسمان وصحت معجزائے انبیائے کرام علیہم الصلوٰۃ والسلام وحشر ونشر وجنت و نار بطور عقائد اسلام وغیرہا بہت ضروریات دینیہ سے منکر ہیں۔یونہی وہ وہابی کہ حضور پر نور سید عالم صلی الله تعالٰی علیہ وسلم کے مثل سات یا چھ یا دو یا ایک خاتم النبیین کسی طبقہ زمین میں کبھی موجود مانے یا ہمارے نبی صلی الله تعالٰی علیہ وسلم کے بعد کسی اور کو نبوت ملنی جائز جانے اور اسے آیۃ و خاتم النبیین کے مخالف نہ سمجھے،یانبی صلی الله تعالٰی علیہ وسلم کی توہین شان اقدس کے لئے حضور کو بڑا بھائی،اپنے آپ کو چھوٹا بھائی کہے،یا حضور صلی الله تعالٰی علیہ وسلم کی نسبت یہ ناپاک کلمہ لکھے کہ مرکر مٹی میں مل گئے، وعلی ہذالقیاس جو بد مذہب ضروریات دین اسلام میں سے کسی عقیدہ کا منکر ہو یا اس میں شرک کرے یا تاویلیں گھڑے،باجماع تمام علماء اسلام وہ سب کے سب کافر ومرتد ہیں اگر چہ لوگوں کے سامنے کلمہ،نماز قرآن پڑھتے، روزہ رکھتے، اپنے آپ کو سچا پکا مسلمان جتاتے ہوں کہ جب وہ ضروریات اسلام کے منکر ہوئے تو انھوں نے خدا ورسول وقرآن کو صاف صاف جھٹلایا،پھریہ جھوٹے طورپر کلمہ وغیرہ کیا نفع دے سکتاہے۔نبی صلی الله تعالٰی علیہ وسلم کے زمانہ میں بھی منافق لوگ کلمہ ونماز پڑھتے اور اپنے آپ کو قسمیں کھا کھا کر مسلمان بتاتے تھے اور الله تعالٰی نے ان کی ایک نہ سنی اور صاف فرمایا " وَ اللہُ یَشْہَدُ اِنَّ الْمُنٰفِقِیۡنَ لَکٰذِبُوۡنَ ،،۔
الله گواہی دیتاہے کہ یہ لوگ نرا جھوٹے ہیں،، دعویٰ اسلام کرتے ہیں،،،۔
خاص ایسے لوگوں کے کفر میں ہر گز شک نہ کیا جائے کہ جو ان کے عقیدہ پر مطلع ہوکر پھر سمجھ بوجھ کر ان کے کفر میں شک کرے وہ خود کافر ہوجاتاہے۔درمختارمیں ہے:
من شك فی کفرہ وعذابہ فقد کفر واما ارتدادہم فہو الصحیح الثابت المنصوص علیہ کما اوضحناہ بتوفیق اﷲ تعالٰی فی السیر من فتاوٰینا وفی رسالتنا" المقالۃ المسفرۃ عن احکام البدعۃ المکفرۃ"۔
جو ان کے کفر و عذاب میں شک کرے وہ کافر ہے ،۔ لیکن ان کا ارتداد توصحیح ثابت منصوص علیہ ہے جیسا کہ ہم نے الله تعالٰی کی توفیق سے اپنے فتاوٰی کے باب السیر میں واضح کر دیا ہے نیز اس اپنے رسالہ"المقالۃ المسفرۃ عن احکام البدعۃ المکفرۃ" میں بیان کیا ہے۔،۔
اس قسم کے ہر بدمذہب کا ذبیحہ مردار وحرام، ان کے ساتھ نکاح حرام وباطل ومحض زنا، ان کے ساتھ کھانا پینا بیٹھنا اٹھنا،ملنا جلنا، کوئی برتاؤ مسلمان کا ساکرنا ہر گز ہرگز کسی طرح جائز نہیں،ہاں جو مذہب دین اسلام کی ضروری باتوں سے کسی بات میں شک نہ کرتاہو،صرف ان سے نیچے درجہ کے عقیدوں میں مخالف ہوں،جیسے رافضیوں میں تفضیلی،یا وہابیوں میں اسحاقی وغیرہم وہ اگرچہ گمراہ ہے کافر نہیں اس کے ہاتھ کا ذبیحہ حلال ہے،۔

(فتاویٰ رضویہ جلد 20 صفحہ 246)

و‌الله تعالٰی اعلم بالصواب

حضرت علامہ مولانا مفتی محمد دانش حنفی صاحب قبلہ
مد ظلہ العالی والنورانی