(سوال نمبر 5099)
محرم کے میلوں میں عورتوں کو جانا کیسا ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم و رحمتہ اللہ و برکاتہ
کیا فرماتے ہیں علمائے دین اس مسئلہ ذیل کے بارے میں کہ
محرم کے دنوں میں میلا لگتا ہے اس میلے میں عورتوں کا جانا کیسا ہے۔ برائے کرم تفصیلی جواب عنایت فرمائیں۔
سائل:- محمد معروف رضا خان حشمتی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمة الله وبركاته
الجواب بعونه تعالى عزوجل
چونکہ محرم کے میلوں میں مرد و زن خلط ملط ہوتے ہیں اس لئے نہ جانے میں خیر ہے پر یاد رہے کہ اسلام دینِ فطرت ہے۔ یہ عورت کو گھر میں قید کر کے رکھنے کا حکم نہیں دیتا۔ عورت کے انسان ہونے کو تسلیم کرتے ہوئے اسے باہر نکلنے کی اجازت دیتا ہے ہر چیز گھر میں لا کر بھی دیں تو عورت کو گھومانے پھرانے لے جانا چاہئے۔ ایک ہی جگہ بیٹھے رہنے کی وجہ سے آج کل کئی طرح کی بیماریاں پھیل رہی ہیں۔ اس لئے روزانہ سیر کروانے یا پھر کبھی کبھار باہر کی آب و ہوا لینے کے لئے ضرور لے جانا چاہئے۔یہاں دو باتوں کاخیال رکھنا ضروری ہے
ایک یہ کہ عورت باپردہ ہوکر باہر جائے گی۔
دوسری بات یہ ہے کہ عورت اکیلی باہر نہیں جاسکتی۔ اس لئے بہتر ہے کہ خاوند یا کسی محرم کے ساتھ جائے۔ جیسا کہ حضور ﷺ سفر پر جاتے تو کسی زوجہ محترمہ کو ساتھ لے جاتے تھے۔ ام المومنین سیدہ عائشہ صدیقہ رضی اللہ عنہا کے ساتھ دوڑ لگانے کا واقعہ بھی ملتا ہے۔ لہٰذا عورت کو باپردہ گھر سے باہر جانے کی اجازت ہے، لیکن حفاظت کے ساتھ جائے۔
واضح رہے کہ اللہ تعالیٰ نے عورتوں کے لیے پردہ میں رہنے کا حکم فرمایا ہے
وَقَرْنَ فِیْ بُیُوْتِکُنَّ
تاہم اگر کوئی شدید ضرورت کے وقت محرم کے ساتھ پردہ میں نکل سکتی ہے بغیر محرم کے فتنہ کی صورت میں سفر کرنا جائز نہیں،
حدیث شریف میں آیا ہے
لا یحل لامرأة توٴمن باللہ والیوم الآخر أن تسافر مسیرة یوم ولیلة إلا مع ذي محرم علیہا (رواہ مسلم : ص۴۳۴ ج)
والله ورسوله اعلم بالصواب
کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال۔27/07/2023
