کفارہ کے روزے میں رات میں بیوی سے ہمبستری کرنا کیسا ہے؟

 (سوال نمبر 4033)

کفارہ کے روزے میں رات میں بیوی سے ہمبستری کرنا کیسا ہے؟

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

السلام علیکم ورحمتہ اللہ وبرکاتہ 

کیا فرماتے ہیں علماۓ دین و مفتیان شرع متین مسئلہ ذیل کے بارے میں کہ

کہ قسم کے کفارہ کے جو تین روزے رکھنے ہیں لگاتار۔

کیا ایک روزہ رکھ کر رات کو جماع کر سکتے ہیں ۔

سائل:-  شاہزیب عطاری شہر اٹک پاکستان 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

نحمده و نصلي على رسوله الكريم 

وعلیکم السلام ورحمتہ اللہ وبرکاتہ 

الجواب بعونہ تعالیٰ عزوجل 

کفارے کے تین روزے لگار رکھنے ہیں رات میں بعد نماز مغرب صبح صادق یعنی سحری تک کسی بھی وقت بیوی سے جماع کر سکتے ہیں پر عشاء کی نماز غسل کر کے اور فجر کی نماز غسل کر پڑھنا فرض ہے ۔یعنی شام کو افطاری کے بعد صبح سحری کا وقت ختم ہونے سے پہلے زوجین جماع کر سکتے ہیں۔

 جیسا کہ قرآنِ مجید میں اللہ تعالیٰ کا ارشاد ہے

أُحِلَّ لَكُمْ لَيْلَةَ الصِّيَامِ الرَّفَثُ إِلَى نِسَآئِكُمْ هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ عَلِمَ اللّهُ أَنَّكُمْ كُنتُمْ تَخْتَانُونَ أَنفُسَكُمْ فَتَابَ عَلَيْكُمْ وَعَفَا عَنكُمْ فَالْآنَ بَاشِرُوهُنَّ وَابْتَغُواْ مَا كَتَبَ اللّهُ لَكُمْ

تمہارے لئے روزوں کی راتوں میں اپنی بیویوں کے پاس جانا حلال کر دیا گیا ہے، وہ تمہاری پوشاک ہیں اور تم ان کی پوشاک ہو، ﷲ کو معلوم ہے کہ تم اپنے حق میں خیانت کرتے تھے سو اس نے تمہارے حال پر رحم کیا اور تمہیں معاف فرما دیا، پس اب (روزوں کی راتوں میں بیشک) ان سے مباشرت کیا کرو اور جو ﷲ نے تمہارے لئے لکھ دیا ہے(البقرة، 2: 187)

بہار شریعت میں قسم کے کفارے میں رکھے جانے والے روزوں کے متعلق ہے” ایک ساتھ تین روزے نہ رکھے یعنی درمیان میں فاصلہ کردیا تو کفارہ ادا نہ ہوا اگرچہ کسی مجبوری کے سبب ناغہ ہوا ہو یہاں تک کہ عورت کو اگر حیض آگیا تو پہلے کے روزے کا اعتبار نہ ہوگا یعنی اب پاک ہونے کے بعد لگاتار تین روزے رکھے۔(بہار شریعت،ج 2،ح 9،ص)

 والله ورسوله اعلم بالصواب 

کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال

13/07/2023