(سوال نمبر 4086)
جس روم میں میاں بیوی ساتھ سوتے ہوں اس کمرے میں قرآن یا قرآن کی آیت کے پوسٹر لگانا کیسا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام و علیکم و رحمۃ اللہ وبرکاتہ
کیا فرماتے ہیں علماء کرام مفتیان کرام جس کمرے میں شوھر اور بیوی ساتھ سوتے ھو
کیااس کمرے میں قرآن پاک یا قرآن مجید کی ایت کے پوسٹر لگانے کی ممانعت ہے؟؟
براے مہربانی رہنمائی فرمائیں
سائل:-محمد عمران ممبئی انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده و نصلي على رسوله الكريم
وعليكم السلام ورحمة الله وبركاته
الجواب بعونہ تعالیٰ عزوجل
جس روم میں میاں بیوی سوتے ہوں اس روم میں بستر سے ہٹ کر قران یا قرآنی پوسٹر لگانے میں حرج نہیں ہے بس اسے چھونا منع ہے ۔
جب جنبی کپڑے کے ساتھ چھو سکتے ہیں پھر اس روم میں کیوں نہیں رکھ ستے ہیں ؟
کما فی الفتاوی الہندیہ (ومنها) حرمة مس المصحف، لايجوز لهما وللجنب والمحدث مس المصحف إلا بغلاف متجاف عنه كالخريطة والجلد الغير المشرز، لا بما هو متصل به، هو الصحيح. هكذا في الهداية، وعليه الفتوى. كذا في الجوهرة النيرة.۔۔۔۔واختلفوا في مس المصحف بما عدا أعضاء الطهارة وبما غسل من الأعضاء قبل إكمال الوضوء، والمنع أصح. كذا في الزاهدي، ولايجوز لهم مس المصحف بالثياب التي هم لابسوها، ويكره لهم مس كتب التفسير والفقه والسنن، ولا بأس بمسها بالكم. هكذا في التبيين۔
(کتاب الطھارة،اﻟﺒﺎﺏ اﻟﺴﺎﺩﺱ ﻓﻲ اﻟﺪﻣﺎء اﻟﻤﺨﺘﺼﺔ ﺑﺎﻟﻨﺴﺎء، الفصل الرابع فی احکام الحیض و النفاس و الاستحاضة، ج: 1، ص: 39، ط: دارالفکر، بیروت)
مصنف بہار شریعت رحمتہ اللہ علیہ فرماتے ہیں
اس حالت میں کُرتے کے دامن یا دوپٹے کے آنچل سے یا کسی ایسے کپڑے سے جس کو پہنے، اوڑھے ہوئے ہے قرآنِ مجید چُھونا حرام ہے غرض اس حالت میں قرآنِ مجید و کتب ِدینیہ پڑھنے اور چھونے کے متعلق وہی سب اَحْکام ہیں جو اس شخص کے بارے میں ہیں جس پر نہانا فرض ہے جن کا بیان غُسل کے باب میں گزرا۔
( بہار ح ۲ ص ۳۷۸ مکتبہ المدینہ کراچی)
حدیث پاک میں ہے آقا علیہ السلام نے فرما یا
لَا تَقْرَاَ الْحَائِضُ وَلَا الْجُنُبُ شَيْئًا مِنَ الْقُرْآنِ.
حائضہ اور جنبی قرآن پاک سے کچھ نہ پڑھیں۔
(ترمذي، السنن، 1: 236، رقم: 131، دار احیاء التراث العربي، بیروت)
کما فی الدر المختار
حيض يمنع صلاة و صوما و تقضيه و دخول مسجد و الطواف و قربان ما تحت اِزار و قرأة قرآن و مسه الا بغلافه. و کذا ولا بأس بقرأة أدعية و مسها و حملها و ذکر الله تعالٰی، و تسبيح و أکل و شرب بعد مضمضة و غسل يد. ولا يکره مس قرآن بکم.
دورانِ حیض نماز، روزہ، روزہ کی قضاء، مسجد میں داخل ہونا، طواف کعبہ، جنسی قربت، تلاوتِ قرآن اور غلاف کے بغیر قرآنِ مجید کو چھونا ممنوع ہے۔ البتہ کلی کرنے اور ہاتھ دھونے کے بعد دعائیں پڑھنے، انہیں چھونے، ان کو اٹھانے، اللہ کا ذکر کرنے، تسبیح پڑھنے اور کھانے پینے کی ممانعت نہیں ہے۔ آستین کے ساتھ قرآن چھونا بھی منع نہیں ہے۔( الدرالمختار، 1: 290تا 294، دار الفکر، بيروت)
والله ورسوله اعلم بالصواب
کتبہ :- حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لہان 18خادم دار الافتاء البرکاتی علماء فاونڈیشن ضلع سرہا نیپال۔18/07/2023
