حج فرض ہونے کے بعد پیسہ خرچ ہوجائے تو شرعا کیا حکم ہے؟

 (سوال نمبر 5200)
حج فرض ہونے کے بعد پیسہ خرچ ہوجائے تو شرعا کیا حکم ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمت اللہ وبرکاتہ
کیا فرماتے ہیں علمائے کرام و مفتیان عظام مسئلہ ذیل کے بارے میں کہ حضور ایک شخص کے پاس اگر محرم الحرام کے مہینے میں اتنے پیسے ائے جس سے اس پہ حج کرنا فرض ہو چکا ہو اب چونکہ حج ذوالحج کے مہینے میں کرنا ہوتا ہے اس سے پہلے اس شخص نے وہ پیسے خرچ کردیے مثلًا گاڑی لے لی یا پلاٹ خرید لیا یا جانور لے لیے یا زمین کی کاشتکاری میں وہ رقم لگا دی حج کا مہینہ آنے سے پہلے پہلے تو کیا اب اسکا فرض اس کے ذمہ رہے گا یا نہیں اور یہ بھی بتا دیجیے کے حج فرض ہونے کے لیے کتنی رقم کا ہونا ضروری ہےکرم حضور وضاحت سے با حوالہ 
شرعی رہنمائی فرمائیں۔
سائل:- حیدر علی قادری عطاری رضوی پنجاب پاکستان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
حج عمر میں ایک بار صرف فرض ہے ۔
مذکورہ صورت میں جب حج فرض ہوجائے اور کسی وجہ سے نہ کر سکے تو اگلے سال کرے مگر حج ساقط نہیں۔
حج ہر اس شخص پر فرض ہے جس کو اللہ تعالیٰ نے اتنی دولت عطا فرمائی ہو کہ جس سے وہ شخص اپنے وطن سے مکة المکرمة تک آنے جانے اور وہاں کے اخراجات پر قادر ہو اور واپس آنے تک اہل و عیال کے مصارف بھی بآسانی کرسکتا ہو اور راستہ کی رکاوٹیں نہ ہوں، ان تمام شرطوں کے ساتھ زندگی میں ایک مرتبہ حج فرض ہوتا ہے۔
شرائط حج ،درج ذیل ہیں 
1۔ / مسلمان ہونا
2۔ / بالغ ہونا
3۔ / عقلمند ہونا
4۔ / آزاد ہونا
5۔ / تندرست ہونا
6۔ / دورانِ سفر اخراجات کرنے کی قوت میسر ہونا
7۔ / راستے میں امن و امان ہونا
8۔ / جان کا خوف نہ ہونا
9۔/ عورت کا حالت عدت میں نہ ہونا
10/ ۔ عورت کے لئے شوہر یا محرم کا ساتھ ہونا۔
(بداء الصنائع فی ترتيب الشرائع، 2 : 125)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
22/11/2013