اگر وتر میں دعا قنوت بھول جائے تو سجدہ سہو سے نماز ہوگی یا نہیں؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
السلام علیکم ورحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ وتر کی نماز کی تیسری رکعت میں دعائے قنوت پڑھنا بھول گیا تو سجدۂ سہو کرنے سے نماز ہو جائے گی یا نہیں۔
جواب عنایت فرمائیں مہربانی ہوگی۔
سائل:- فقیر ناچیز محمد شاداب نوری محلہ رستمٹولہ قصبہ سہسوان ضلع بدایوں شریف انڈیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونصلي علي رسوله الكريم
وعلیکم السلام ورحمة الله وبركاته
الجواب بعونه تعالي عز وجل
مذکورہ صورت میں اخیر میں سجدہ سہو سے وتر کی نماز ہوجائے گی وترکی نمازمیں دعائے قنوت کاپڑھنا واجب ہے اور واجب کے ترک کرنے پرسجدۂ سہوادا کرنے سے نمازہوجائے گی لہذا اگرکوئی شخص وترکی تیسری رکعت میں سورۂ فاتحہ اورسورت ملانے کے بعد رکوع میں چلاگیا توآخری قعدہ میں تشہد پڑھ کرسجدۂ سہو کرنے سے وتر کی نماز درست ہوجائے گی دعائے قنوت بھول جانے کی صورت میں سجدہ سہوکی ادائیگی کے بعد وتردوبارہ لوٹانے کی ضرروت نہیں اور رکوع سے قیام کی طرف لوٹنے کی بھی حاجت نہیں
فتاوی شامی میں ہے
ولو نسیه ای القنوت ثم تذكره في الركوع لا يقنت فيه لفوات محله ولا يعود الى القيام في الاصح لان فيه رفض الفرض للواجب فإن عاد اليه وقنت ولم يعد الرکوع لم تفسد صلاته لكون ركوعه بعد قراءة تامة و سجد للسهو قنت او لا لزواله عن محله (الدر المختار: (9/2، ط: سعید)
افادہ
فتاویٰ رضویہ میں فرماتے ہیں
نماز صحیح ہوجانے میں تو کلام نہیں ، نہ یہ سجدہ سہو کا محل کہ سہواً کوئی واجب ترک نہ ہوا ۔ دعائے قنوت اگر یاد نہیں ، یاد کرنا چاہیے کہ خاص اس کا پڑھنا سنت ہے اور جب تک یاد نہ ہو اللھم ربنا اٰتنافی الدنیا حسنۃ وفی الآخرۃ حسنۃ وقنا عذاب النار پڑھ لیا کرے ۔ یہ بھی یاد نہ ہو تو اللھم اغفرلی تین بار کہہ لیا کرے ۔ یہ بھی یادنہ آئے ، تو صرف یارب تین بار کہہ لے ، واجب ادا ہوجائے گا
(فتاوٰی رضویہ،ج 7،ص485، مطبوعہ رضافاؤنڈیشن ، لاهور )
صدرالشریعہ مفتی محمد امجد علی اعظمی علیہ الرحمۃ بہارِ شریعت میں لکھتے ہیں
دعائے قنوت کا پڑھنا واجب ہے اور اس میں کسی خاص دعا کا پڑھنا ضروری نہیں بہتر وہ دعائیں ہیں جو نبی صلی اللہ تعالیٰ عليہ وسلم سے ثابت ہیں اور ان کے علاوہ کوئی اور دعا پڑھے جب بھی حرج نہیں (بہارِ شریعت ، ح 4 ج 1 ص 654 مکتبۃ المدینہ
کراچی )
والله ورسوله اعلم بالصواب
_________(❤️)_________
کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال
30/08/2023
