شادی میں دولہا کو سہرا پہنانا کیسا ہے؟

 (سوال نمبر 304)
 شادی میں دولہا کو سہرا پہنانا کیسا ہے؟
.....................................
السلام علیکم رحمتہ اللہ وبرکاتہ
کیا فرماتے ہیں علمائے دین و مفتیان شرع متین مسئلہ ذیل کے بارے میں کہ  
شادی میں دولہا کو سہرا پہنانا کیسا ہے ؟
جواب عنایت فرمائیں نوازش کرم ہوگا ۔
طالب:- محمد بلال احمد سعیدی غازی پور یوپی انڈیا 
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نحمده ونشكره ونصلي على رسوله الأمين
وعليكم السلام ورحمة الله وبركاته
الجواب بعونه تعالى عز وجل
دولھا کو سہرا پہننا جائز ہے ۔
کہ ہر چیز میں اصل اباحت ہے تا آنکہ قرآن و سنت اسے ممنوع قرار نہ دے دے ۔
قرآن حکیم میں ارشاد باری تعالیٰ ہے :

 يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِنْ تُبْدَ لَكُمْ تَسُؤْكُمْ وَإِنْ تَسْأَلُوا عَنْهَا حِينَ يُنَزَّلُ الْقُرْآنُ تُبْدَ لَكُمْ عَفَا اللَّهُ عَنْهَا وَاللَّهُ غَفُورٌ حَلِيمٌ 

(سورۂ المائدہ آیت ١٠١ پارہ ٧)
اے ایمان والو مت پوچھو ایسی باتیں کہ اگر تم پر کھولی جاویں تو تم کو بری لگیں اور اگر پوچھو گے یہ باتیں ایسے وقت میں کہ قرآن نازل ہو رہا ہے تو تم پر ظاہر کردی جاویں گی اللہ نے ان سے در گزر کی ہے اور اللہ بخشنے والا تحمل والا ہے،
مفتی احمد یار خان نعیمی رحمت اللہ علیہ فرماتے ہیں 
جن چیزوں کو نہ قرآن کریم نے حلال یا حرام کہا نہ حدیث پاک نے یعنی ان کا ذکر ہی کہیں نہیں وہ حلال ہیں۔یہاں مرقات اور اشعۃ اللمعات اور لمعات نے فرمایا کہ اس حدیث سے معلوم ہوا کہ اصل اشیاء میں اباحت ہے یعنی جس سے قرآن و حدیث میں خاموشی ہو وہ حلال ہے آم مالٹا یوں ہی پلاؤ زردہ،فرنی،یوں ہی لٹھا ململ۔یوں ہی میلاد شریف و فاتحہ کی شیرینی سب حلال ہیں،کیوں،اس لیے کہ انہیں قرآن و حدیث نے حرام نہیں کیا یہ اسلام کا کلی قانون ہے۔(المرأة المناجيح ج ٦ص ١٥١ دعوت اسلامی سوفٹویر)
جیسا کہ مصنف بہار شریعت رحمتہ اللہ علیہ فرماتے ہیں 
خالص پھولوں کا سہرا جائز بلاوجہ ممنوع نہیں کہا جا سکتا۔
 (بہار شریعت ح ٨ ص ١٠٦ دعوت اسلامی سوفٹویر)
والله ورسوله اعلم بالصواب

_________(❤️)_________ 

کتبہ :- فقیہ العصر حضرت علامہ مولانا مفتی محمد مجيب قادری صاحب قبلہ مدظلہ العالیٰ النورانی لهان ١٨خادم دارالافتاء البركاتي علماء فاونديشن شرعي سوال و جواب ضلع سرها نيبال